- 2018-10-12 03:02:00
- ប្រវត្តិ
ប៉ះទីម័រចុងក្រោយ អ្នកគាំទ្រកម្ពុជាជាង៥ម៉ឺននាក់ ចុះល្ងាចនេះ?
- 2018-10-12 03:02:00
- ចំនួនមតិ 0 | ចំនួនចែករំលែក 0
ប៉ះទីម័រចុងក្រោយ អ្នកគាំទ្រកម្ពុជាជាង៥ម៉ឺននាក់ ចុះល្ងាចនេះ?
ចន្លោះមិនឃើញ
ការប៉ះគ្នាចុងក្រោយរវាងក្រុមបាល់ទាត់ជម្រើសជាតិកម្ពុជា និងទីម័រខាងកើតត្រូវបានធ្វើឡើងកាលពីថ្ងៃអាទិត្យ ទី២៩ ខែឧសភា ឆ្នាំ២០១៦នៅពហុកីឡដ្ឋានជាតិ ក្នុងរាជធានីភ្នំពេញដែលពេលនោះមានអ្នកគាំទ្រចូលរួមទស្សនាយ៉ាងច្រើនកុះករ។
ការប្រកួតមិត្តភាពដែលធ្វើឡើងកាលពីឆ្នាំ២០១៦នោះ ម្ចាស់ផ្ទះកម្ពុជាទទួលបានជ័យជម្នះលើទីម័រខាងកើតដោយលទ្ធផល ២-០។ តាមស្ថិតិដែល Sabay បានចេញផ្សាយកាលពីពេលនោះឃើញថា អ្នកគាំទ្រកម្ពុជាបានចូលរួមទស្សនាយ៉ាងច្រើនកុះកររហូតដល់ជាង៥ម៉ឺននាក់ឯណោះ។ នៅចាំបានថា ពេលនោះទាំងកន្លែងអង្គុយមានដំបូល និងគ្មានដំបូលជុំវិញពហុកីឡដ្ឋានជាតិពេញដោយទាំងអស់ដោយអ្នកគាំទ្រ។
ចាំបានថា ការប្រកួតនៅពេលនោះជាថ្ងៃអាទិត្យ និងជាពេលវេលាដែលវិស័យបាល់ទាត់កម្ពុជាកំពុងទទួលបានការចាប់អារម្មណ៍ខ្លាំងពីមហាជន បន្ទាប់ពីទទួលបានជោគជ័យក្នុងការប្រកួតជម្រុះបាល់ទាត់ពិភពលោកដែលកម្ពុជាឈ្នះឆាយនីយតៃប៊ិកាលពីឆ្នាំ២០១៥ រហូតឡើងវគ្គបន្ត។ អ្វីដែលធ្វើឲ្យមិនភ្លេចទៀតនោះគឺថា សំបុត្រលក់ដាច់អស់គ្មានសល់រហូតមានអ្នកគាំទ្រមួយចំនួនផ្លោះរបងទៀតផង។
ជ័យជម្នះពេលនោះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាឧបត្ថម្ភទឹកប្រាក់ចំនួន៣៤០០០ដុល្លារដល់ក្រុមបាល់ទាត់ និងក្រុមគ្រូបង្វឹកកម្ពុជាដែលម្នាក់ៗទទួល១ពាន់ដុល្លារអាមេរិក។
វេលាម៉ោង៦:៣០នាទីល្ងាចនេះជាការប្រកួតមិត្តភាពអន្តរជាតិជាថ្មីសម្រាប់ក្រុមបាល់ទាត់ជម្រើសជាតិកម្ពុជា និងទីម័រខាងកើត ប៉ុន្តែធ្វើឡើងនាថ្ងៃសុក្រដែលមិនមែនជាថ្ងៃចុងសប្តាហ៍។ ចាំមើលថា តើអ្នកគាំទ្រកម្ពុជាទៅទស្សនាផ្ទាល់ច្រើនកម្រិតណា?