- 2018-10-11 02:11:48
- កីឡាផ្សេងៗ
កប់! ប៉េតង់ឈ្នះមេដាយមាសពិភពលោកទៀតហើយ
- 2018-10-11 02:11:48
- ចំនួនមតិ 0 | ចំនួនចែករំលែក 0
កប់! ប៉េតង់ឈ្នះមេដាយមាសពិភពលោកទៀតហើយ
ចន្លោះមិនឃើញ
កីឡាការិនី កែ ឡេង និងអ៊ុក ស្រីមុំ បានចាប់ដៃគ្នាដណ្ដើមបានមេដាយមាសក្នុងព្រឹត្តិការណ៍ការប្រកួតប៉េតង់កម្រិតពិភពលោក ដែលទើបបញ្ចប់វិញ្ញាសាវាយគូនារីមុននេះនៅប្រទេសបារាំង។
វិញ្ញាសានារី២ទល់២នេះជាវិញ្ញាសាដំបូងរបស់កម្ពុជាផ្នែនារីក្នុងការប្រកួត ព្រឹត្តិការណ៍ខាងលើ។ សម្រាប់ផ្នែកនារីរបស់កម្ពុជានេះនៅសល់ពីរវិញ្ញាសាទៀតដែលមិនទាន់ប្រកួតគឺ ៣ទល់៣ និងឯកត្តជន។ ចំណែកផ្នែកបុរសមិនទាន់រកបានលទ្ធផលល្អនៅឡើយទេ។
កម្ពុជាបានបញ្ជូនកីឡាករ-កីឡាការិនីចំនួន ៦ រូបទៅចូលរួមប្រកួតព្រឹត្តិការណ៍ការប្រកួតប៉េតង់កម្រិតពិភពលោក។ ដោយឡែកសម្រាប់មេដាយមាសនេះជាការឈ្នះលើកទី៤ របស់អ្នកស្រីកែឡេង ក្នុងព្រឹត្តិការណ៍ពិភពលោក។ ខណៈដែលកីឡាការិនី អ៊ុក ស្រីមុំ ក៏ធ្លាប់ឈ្នះមេដាយមាសកម្រិតពិភពលោកនេះផងដែរលើវិញ្ញាសាឯកត្តជនកាលឆ្នាំ២០១៧៕