- 2018-09-26 13:28:26
- បាល់ទាត់
គ្រូ PSG យល់យ៉ាងណា រឿង Dani Alves ជាប់ក្នុង FIFPro World XI?
- 2018-09-26 13:28:26
- ចំនួនមតិ 0 | ចំនួនចែករំលែក 0
គ្រូ PSG យល់យ៉ាងណា រឿង Dani Alves ជាប់ក្នុង FIFPro World XI?
ចន្លោះមិនឃើញ
គ្រូបង្វឹក PSG លោក Thomas Tuchel បាននិយាយការពារកូនក្រុមរបស់លោកក្រោយមានការសម្ដែងការមិនពេញចិត្តចំពោះការដាក់ចូលក្នុងបញ្ជី FIFPro WorldXI ដោយសារតែ Dani Alves បានរងរបួសជង្គង់រហូតខកខានព្រឹត្តិការណ៍បាល់ទាត់ពិភពលោកនៅទឹកដីរុស្ស៊ី។
លោក Tuchel បាននិយាយថា៖ "វាមិនមែនជារឿងភ្ញាក់ផ្អើលទេដែល Alves បានជាប់ក្នុង FIFPro WorldXI។ គេជាកីឡាករលេងល្អក្នុងរដូវកាលនេះ ប៉ុន្តែដោយសំណាងអាក្រក់គេរបួសមុនពេល World Cup បើមិនរបួស Alves នឹងលេងឲ្យប្រេស៊ីល។ Alves ជាប្រភេទកីឡាករដែលនឹងរំពឹងជាប់ក្នុងបញ្ជីនេះ"។
កាលពីដើមសប្ដាហ៍នេះ Alves ស្ថិតក្នុងចំណោមកីឡាករដែលឈ្នះពានរង្វាន់ FIFPro WorldXI។ ទោះជាយ៉ាងណា ការឈ្នះនេះបង្កជាការភ្ញាក់ផ្អើលជាច្រើន ព្រោះកីឡាករប្រេស៊ីលមិនបានចូលលេងក្នុងការប្រកួតតាំងពីខែឧសភា មកម្ល៉េះ។ កីឡាករការពារស្លាបស្ដាំមួយចំនួនដែលមជ្ឈដ្ឋានបាល់ទាត់ភាគច្រើនរំពឹងថាឈ្នះពានរង្វាន់នេះ ដូចជា Kyle Walker និង Dani Carvajal ជាដើម បែរជាមិនឈ្នះទៅវិញ។
សូមបញ្ជាក់ផងដែរ ក្នុងពិធីចែករង្វាន់កីឡាករឆ្នើមប្រចាំឆ្នាំរបស់ FIFA ឆ្នាំនេះ មានភាពចម្រូងចម្រាសជាច្រើន។ តួយ៉ាង Mohamed Salah ដែលស្ថិតក្នុងចំណោមបេក្ខភាពកំពូលទាំងបីក្នុងការប្រជែងពានរង្វាន់កីឡាករល្អបំផុតរបស់ FIFA បែរជាមិនបានជាប់ក្នុង FIFPro WorldXI។ អ្នកចាំទី Toby Courtios បានឈ្នះពានរង្វាន់អ្នកចាំទីល្អបំផុតរបស់ FIFA តែអ្នកចាំទី David De Gea ទៅវិញដែលបានជាប់ឈ្មោះក្នុង FIFPro WorldXI។ កីឡាករបង្ហាញទម្រង់លេងល្អៗមួយចំនួនកាលពីរដូវកាលមុន ដូចជា Kevin De Bruyne និង Kyle Walker ជាដើម សុទ្ធតែមិនមានវត្តមានក្នុង FIFPro WorldXI។ ចំណែកឯគ្រាប់បាល់របស់ Salah ស៊ុតចូល Everton (មិនបានជាប់ជាគ្រាប់បាល់ល្អបំផុតក្នុងលីគអង់គ្លេស) ត្រូវបានជ្រើសរើសជាគ្រាប់បាល់ល្អបំផុតប្រចាំរដូវកាលទៅវិញ៕