Messi, Zidane, Griezmann នៅក្នុងចំណោមមុខសញ្ញា Beckham ចង់នាំមកក្លឹបថ្មី

2018-09-26 07:30:38
ព័ត៌មាន

2018-09-26 07:30:38
ចំនួនមតិ 0 | ចំនួនចែករំលែក 0

ចន្លោះមិនឃើញ

David Beckham ចង់បង្កើតប្រវត្តិសាស្ត្រនៅលីគកំពូលអាមេរិក Major League Soccer ជាមួយនឹងក្រុមថ្មីរបស់ខ្លួនឈ្មោះថា Inter Miami ដែលត្រៀមចូលរួមលីគនៅឆ្នាំ២០២០។

ចាប់ផ្ដើមដំបូង គេចង់ប្រមូលផ្ដុំក្រុមមួយដែលលាយលំជាមួយតារាបាល់ទាត់កម្រិតខ្ពស់មកពីជុំវិញពិភពលោក។ វាជាការប្រមូលផ្ដុំកញ្ចុំផ្កាយ ដែល Beckham ចង់បង្កើតក្នុងក្រុមរបស់គេដែលមានមូលដ្ឋានក្នុងរដ្ឋ Florida។

ទោះបីជាក្លឹប Inter Miami មិនទាន់មានកីឡដ្ឋានផ្ទាល់ខ្លួនសម្រាប់កីឡាករក្ដី ប៉ុន្តែអតីតជម្រើសជាតិអង់គ្លេសបានរៀបចំផែនការមេរួចរាល់សម្រាប់កីឡាករ។ "ខ្ញុំចង់បង្កើតក្រុមធំជាងគេមួយក្នុងសហរដ្ឋអាមេរិក ដូច្នេះពួកយើងត្រូវទាក់យកកីឡាករល្អៗមកខ្លះ" សម្ដី Beckham។

Messi និង Antoine Griezmann ធ្លាប់និយាយដូចគ្នាថា ប្រសិន Beckham ត្រូវការនៅពេលអនាគត ពួកគេនឹងទៅលេងឲ្យ។ នៅមានកីឡាករជាច្រើនទៀតដែល Beckham មានបំណងចង់នាំមកចូលក្លឹបថ្មី ក្នុងនោះមាន Cristiano Ronaldo, Wayne Rooney, Nani, Antonio Valencia , Zlatan Ibrahimovic,Falcao និងអ្នកចាត់ការ Zidane ជាដើម៕

ប្រភព៖ Marca ប្រែសម្រួល៖ ហេង សុធារិទ្ធិ