- 2018-09-24 09:10:51
- កីឡាផ្សេងៗ
ក្លឹបនាគរាជកំពង់ចាមជោគជ័យជាងគេពីការប្រកួតហែលទឹកសម្តេច ស ខេង ឆ្នាំនេះ
- 2018-09-24 09:10:51
- ចំនួនមតិ 0 | ចំនួនចែករំលែក 0
ក្លឹបនាគរាជកំពង់ចាមជោគជ័យជាងគេពីការប្រកួតហែលទឹកសម្តេច ស ខេង ឆ្នាំនេះ
ចន្លោះមិនឃើញ
ព្រឹត្តិការណ៍ហែលទឹកពានរង្វាន់សម្ដេចក្រឡាហោម ស ខេង លើកទី៥ បានបញ្ចប់កាលម៉ោង ១២ថ្ងៃត្រង់នេះ បន្ទាប់ពីបើកការប្រកួតកាលពីព្រឹកថ្ងៃទី២៤ ខែកញ្ញា ឆ្នាំ២០១៨ នៅពហុកីឡដ្ឋានជាតិ។ ក្រោយប្រកួតយ៉ាងស្វិតស្វាញក្លឹបនាគរាជខេត្តកំពង់ចាម និង ក្រសួងមហាផ្ទៃ ដណ្ដើមបានមេដាយមាសច្រើនដូចគ្នា។
បើតាមរបាយការណ៍រៀបចំការប្រកួតបានឲ្យដឹងថា ព្រឹត្តិការណ៍នេះមានកីឡាករកីឡាការិនីចំនួន ៨៧ នាក់ចូលរួម និងមានវិញ្ញាសាសរុបចំនួន ១៧ ដែលក្នុងនោះមានក្លឹប និងសមាគមហែលទឹកចំនួន ៧ ចូលរួម។ ក្រោយពេលដំណើរការប្រកួតយ៉ាងស្វិតស្វាញ ជាលទ្ធផលឃើញថា ក្លឹប សមាគមដែលដណ្ដើមបានមេដាយមាសគឺក្លឹបនាគរាជខេត្តកំពង់ចាមដណ្ដើមបានមេដាយមាស៤គ្រឿងមេដាយ ប្រាក់៤គ្រឿង និងមេដាយសំរឹទ្ធ២គ្រឿង។
ចំណែកក្រសួងមហាផ្ទៃដណ្ដើមបានមេដាយមាស ៤គ្រឿងមេដាយប្រាក់២គ្រឿង និងមេដាយសំរឹទ្ធ ៥គ្រឿង។ ស្របពេលក្រសួងសាធារណការណ៍ និងដឹកជញ្ជូនបានមេដាយមាស៣គ្រឿង ប្រាក់ ៤គ្រឿង និងសំរឹទ្ធ២គ្រឿង និងសាលាខេនរីដអន្តរជាតិសិង្ហបុរីដណ្ដើមបានមេដាយមាស ៣គ្រឿង ។ សម្រាប់ក្រសួងព័ត៌មាន ទទួលបានមេដាយមាស ២ ប្រាក់១ សំរឹទ្ធ ១ រីឯក្រសួងសេដ្ឋកិច្ច និងហិរញ្ញវត្ថុ ទទួលបានមេដាយប្រាក់ ៤ សំរឹទ្ធ ២ គ្រឿង និង មច្ឆានុប ទទួលបានមេដាយប្រាក់ ១ និងសំរឹទ្ធ ៤ គ្រឿង។
ព្រឹត្តិការណ៍ប្រកួតហែលទឹកពានសម្ដេចក្រឡាហោម ស ខេង លើកទី៥ ត្រូវបានបែងចែកជា ៥ កម្រិតអាយុគឺកម្រិតទី១ កុមារា-កុមារី មានអាយុក្រោម៨ឆ្នាំគិតត្រឹមថ្ងៃប្រកួត កម្រិតទី២ កុមារា-កុមារី អាយុក្រោម១២ឆ្នាំគិតត្រឹមថ្ងៃប្រកួត កម្រិតទី៣ កុមារា-កុមារី អាយុក្រោម១៨ឆ្នាំគិតត្រឹមថ្ងៃប្រកួត កម្រិតទី៤ ក្រុមកីឡាករ-កីឡាការិនីជម្រើសជាតិ និងកម្រិតទី៥ ក្រុមឡាករ-កីឡាការិនីជនពិការ។ សម្រាប់កីឡាករ-កីឡាការិនី ម្នាក់ៗអាចមានសិទ្ធិប្រកួតបានចំនួន២វិញ្ញាសា៕