- 2018-09-24 07:19:34
- កីឡាផ្សេងៗ
សូហ្វតេន្នីសកម្ពុជាមិនសង្ឃឹម ១០០% ការពារជើងឯកអាស៊ីអាគ្នេយ៍២០១៨ ព្រោះ...
- 2018-09-24 07:19:34
- ចំនួនមតិ 0 | ចំនួនចែករំលែក 0
សូហ្វតេន្នីសកម្ពុជាមិនសង្ឃឹម ១០០% ការពារជើងឯកអាស៊ីអាគ្នេយ៍២០១៨ ព្រោះ...
ចន្លោះមិនឃើញ
សហព័ន្ធកីឡាសូហ្វេតេន្នីសកម្ពុជា នឹងធ្វើដំណើរទៅចូលរួមប្រកួតក្នុងព្រឹត្តិការណ៍ Sea Sotf tennis championship 2018 នៅទឹកដីប្រទេសហ្វីលីពីននៅដើមខែក្រោយ ជាមួយការប្ដេជ្ញាចិត្តការពារជើងឯក។
ព្រឹត្តិការណ៍ Sea Sotf tennis championship 2018 នឹងចាប់ផ្ដើមចន្លោះពីថ្ងៃទី៥ ដល់ថ្ងៃទី៧ ខែតុលា ឆ្នាំ២០១៧ នៅទីក្រុង ម៉ានីឡា ប្រទេសហ្វីលីពីន។ ទាក់ទងការទៅប្រកួតព្រឹត្តិការណ៍ខាងលើឯកឧត្ដម ជា ប៊ុនហេង អនុប្រធានទី១របស់សហព័ន្ធមួយនេះបានឲ្យដឹងថា ឆ្នាំ២០១៨មានប្រទេសខ្លាំងៗជាងឆ្នាំមុនគឺថៃ និងឥណ្ឌូណេស៊ី បានទៅចូលរួម។ ដូច្នេះជារឿងពិបាកមួយសម្រាប់កម្ពុជា ប៉ុន្តែទោះជាយ៉ាងណាលោក និងក្រុមកីឡាករកម្ពុជា នឹងប្រឹងប្រែងឲ្យអស់ពីសមត្ថភាព ដើម្បីការពារជើងឯកឲ្យបាន។
អនុប្រធានសហព័ន្ធទី១រូបនេះបញ្ជាក់ទៀតថា កម្ពុជាមិនហ៊ានសង្ឃឹម ១០០ % ឡើយក្នុងការការពារជើងឯក ពីព្រោះប្រទេសខ្លាំងទាំងពីរខាងលើបានទៅចូលរួម។ ក្នុងតំបន់អាស៊ានប្រទេសដែលខ្លាំងលើប្រភេទកីឡានេះគឺ ឥណ្ឌូណេស៊ី ថៃ ហ្វីលីពីន និងកម្ពុជា។
សូហ្វេតេន្នីសកម្ពុជាបានទៅចូលរួមព្រឹត្តិការណ៍ខាងលើចំនួន ២ លើករួចមកហើយ ដោយលើកទី១ ដណ្ដើមបានមេដាយប្រាក់ក្រុម ដែលបានធ្វើឡើងនៅប្រទេសម៉ាឡេស៊ី។ ចំណែកលើកទី២គឺដណ្ដើមបានមេដាយមាសផ្នែកបុរសក្រុម ហើយឆ្នាំនេះជាលើកទី៣ របស់កម្ពុជាក្នុងការចូលរួម៕