- 2018-09-13 03:21:19
- ប្រដាល់
បង្ហាញមុខជាថ្មី ឡៅ ចន្រ្ទា មិនធ្វើឲ្យអ្នកគាំទ្រខកចិត្ត ខណៈលុយឧបត្ថម្ភក៏បានច្រើន
- 2018-09-13 03:21:19
- ចំនួនមតិ 0 | ចំនួនចែករំលែក 0
បង្ហាញមុខជាថ្មី ឡៅ ចន្រ្ទា មិនធ្វើឲ្យអ្នកគាំទ្រខកចិត្ត ខណៈលុយឧបត្ថម្ភក៏បានច្រើន
ចន្លោះមិនឃើញ
អ្នកប្រដាល់កម្រចាញ់ ឡៅ ចន្រ្ទា បើទោះជាមានរបួស និងអាក់ខានឡើងសង្វៀនមួយរយៈពេលខ្លីក៏ដោយ ប៉ុន្តែវិលចូលមកវិញនៅតែធ្វើឲ្យអ្នកគាំទ្រពេញ ជាពិសេសប្រកួតចុងក្រោយប៉ះ ណាំកាបួន កាលពីថ្ងៃអាទិត្យកន្លងទៅ។
ទោះជារបួសជើងបានធ្វើឲ្យ ឡៅ ចន្រ្ទា មិនអាចឡើងសង្វៀនបានកាលពី១ខែមុនយ៉ាងណាក្ដី ប៉ុន្តែកីឡាករជើងខ្លាំងរូបនេះ នៅតែធ្វើបានល្អនាជំនួបជាមួយអ្នកប្រដាល់ថៃសាច់ដុំធំៗ ណាំកាបួន។ មហាជនមួយចំនួនមានការបារម្ភដែរ ទៅនិងការប៉ះជាគ្នារវាងកូនសិស្សមកពីឆត្រយោង ៩១១ ជាមួយថៃខាងលើ ព្រោះអីគេជាកីឡាករជើងខ្លាំងចាស់វស្សាកម្រិត រឿង សោភ័ណ្ឌ ទៅហើយ ចំណែច ចន្រ្ទា ទើបជាពីរបួស ហើយអាចនិងចាញ់កម្លាំងផងដែរ។
តែអ្វីៗវាខុសស្រលះទៅវិញ ប្អូនប្រុស ឡៅ ស៊ីណាត ខាងលើនេះ បានធ្វើឲ្យ ណាំកាបួន គាំងម្ដងៗ តាមរយៈស្នៀតឆ្មក់កណ្ដាប់ដៃ ចាប់វ៉ៃជង្គង់ ទាត់ខ្លី និងការចូលចាប់វ៉ៃកែងផងដែរ។ អាចនិយាយបានថា ចន្រ្ទា គ្រប់គ្រងការប្រកួតនោះយ៉ាងល្អ ស្របពេលកីឡាករថៃត្រឹមធ្វើជាស៊ីបឲ្យខ្លួនប៉ុណ្ណោះ។ នាជំនួបមួយនោះ គេសង្កេតឃើញមានអ្នកគាំទ្រកីឡាករគុនខ្មែររូបនេះជាច្រើន មិនត្រឹមប៉ុណ្ណេះ ក៏ទទួលប្រាក់ឧបត្ថម្ភគួរសមដែរ ពីសំណាក់អ្នកគ្រប់គ្រងទូរទស្សន៍ CNC តំណាង ISI និងអ្នកទស្សនាទៀតផង។
រំលឹកដែរថា ឡៅ ចន្រ្ទា ទើបតែវិលចូលសង្វៀនគុនខ្មែរកាលពីសប្ដាហ៍មុនប៉ុណ្ណោះ បន្ទាប់ពីរូបគេឈ្នះកម្មវិធីម៉ារ៉ាតុងកាលពី១ខែមុនរួចមកក៏មានរបួសជើងតែម្ដង។ ការប្រកួតរបស់គេថ្ងៃអាទិត្យមុននេះឈ្នះពិន្ទុជើងខ្លាំងថៃ ណាំកាបួន៕
