- 2018-09-03 02:45:24
- បាល់ទាត់
គ្រូអង្គរថាយហ្គឺរមិនសប្បាយចិត្តទាល់សោះ ចំពោះទម្រង់លេងក្រុមខ្លួនយប់មិញ
- 2018-09-03 02:45:24
- ចំនួនមតិ 0 | ចំនួនចែករំលែក 0
គ្រូអង្គរថាយហ្គឺរមិនសប្បាយចិត្តទាល់សោះ ចំពោះទម្រង់លេងក្រុមខ្លួនយប់មិញ
ចន្លោះមិនឃើញ
លោក Oriol Mohedano គ្រូបង្វឹករបស់ក្លឹបអង្គរ Tiger មិនពេញចិត្តចំពោះទម្រង់លេងកូនក្រុមខ្លួនឡើយកាលពីយប់មិញ ដែលបរាជ័យក្រោមថ្វីជើងប៉ូលិស ២-០ ក្នុងវគ្គពាក់កណ្ដាលផ្ដាច់ព្រ័ត្រនៃព្រឹត្តិការណ៍ Hun Sen Cup 2018 នៅពហុកីឡដ្ឋានជាតិ។
អតីតគ្រូបង្វឹកភ្នំពេញក្រោនលោក Oriol Mohedano បានឲ្យដឹងថា ជំនួបយប់មិញជាការប្រកួតដ៏ពិបាកមួយ ពិសេសក្រុមរបស់លោកបានបង្កើតកំហុសឲ្យដៃគូទាត់ចូលគ្រាប់ទី១មុន ដែលធ្វើឲ្យទម្រង់ដែលលោករៀបរង់ចាំវាយបកត្រូវកែប្រែ ទៅជាការប្រឹងប្រែងសម្រុកវិញ។ បាល់ទាត់នៅពេលដៃគូរកគ្រាប់បានមុន វាមិនមែនជារឿងស្រួលរកគ្រាប់បាល់តាមស្មើឡើយ។
លោកមិនសប្បាយចិត្តសោះជាមួយទម្រង់លេងរបស់កូនក្រុមខ្លួនកាលពីយប់មិញ ពីព្រោះកីឡាករទាំងអស់មិនបានបង្ហាញចំណុចគួរឲ្យកត់សម្គាល់ដូចកាលឈ្នះភ្នំពេញក្រោន ដែលធ្វើបានល្អនោះឡើយ។
ពានរង្វាន Hun Sen Cup 2018 បានរកឃើញជើងខ្លាំងដែលឡើងទៅលេងវគ្គផ្ដាច់ព្រ័ត្រហើយ គឺក្រុមក្រសួងការពារជាតិ នឹងត្រូវជួបក្រុមប៉ូលិស នៅពហុកីឡដ្ឋានជាតិនៅថ្ងៃទី៦ ខែតុលា ឆ្នាំ២០១៨ ៕
សកម្មភាពប្រកួតយប់មិញ
