- 2018-08-27 03:22:03
- បាល់ទះ
មហាផ្ទៃ ត្រៀមខ្លួនជាស្រេចក្នុងការប្រជែងពានបាល់ទះកម្រិតខ្ពស់នៅ វៀតណាម
- 2018-08-27 03:22:03
- ចំនួនមតិ 0 | ចំនួនចែករំលែក 0
មហាផ្ទៃ ត្រៀមខ្លួនជាស្រេចក្នុងការប្រជែងពានបាល់ទះកម្រិតខ្ពស់នៅ វៀតណាម
ចន្លោះមិនឃើញ
ក្លឹបបាល់ទះក្រសួងមហាផ្ទៃបានត្រៀមខ្លួនជាស្រេច ក្នុងការប្រជែងពានកម្រិតខ្ពស់នៅវៀតណាម ដែលគ្រោងចេញដំណើរទៅប្រកួតថ្ងៃទី២៥ ខណៈ ពេលវេលាប្រកួតចន្លោះពីថ្ងៃទី២៨ ខែកញ្ញា ដល់ថ្ងៃទី៤ ខែតុលា ឆ្នាំ២០១៨ ។
លោក អ៊ូ សុផល គ្រូបង្វឹកបាល់ទះរបស់មហាផ្ទៃបានឲ្យដឹងថា ក្លឹបចូលរួមមានចំនួន ៧ ក្នុងនោះមានក្លឹបមកពីថៃ១ និងក្លឹបបាល់ទះរបស់ប្រទេសវៀតណាមចំនួន ៥ ។ ក្លឹបរបស់លោកបានត្រៀមខ្លួនរួចជាស្រេច ក្នុងការប្រជែងពាននេះខណៈកីឡាករបានប្រឹងប្រែងហ្វឹកហាត់ជារៀងរាល់ថ្ងៃ។
គ្រូបង្វឹករូបនេះបន្ថែមថា ក្រុមមហាផ្ទៃធ្លាប់ឈ្នះពានខាងលើនេះម្ដងរួចមកហើយ ប៉ុន្តែមិនចាំឆ្នាំ។ ពាននេះពីមុនមក មិនធ្លាប់មានក្រុមមកពីប្រទេសថៃចូលរួមឡើយ។ ក្រុមចូលរួមលើកនេះសុទ្ធតែជាក្រុមខ្លាំង ៗ និងមានកម្រិតប្រហាក់ប្រហែល និងខ្លាំងជាងមហាផ្ទៃ។
ពានខាងលើដើមឡើយគ្រោងចាប់ផ្ដើមថ្ងៃទី២៨ ខែសីហា ដល់ថ្ងៃទី៤ ខែកញ្ញា ប៉ុន្តែត្រូវបានលើកទៅពេលវេលាខាងលើវិញ។ ក្លឹបបាល់ទះមហាផ្ទៃ គឺជាជើងឯករងព្រឹត្តិការណ៍កីឡាករជាតិលើកទី២ ដែលពេលនោះបានប្រកួតចាញ់ក្រុមបាល់ទះវិសាខា ៣-១ នៅវគ្គផ្ដាច់ព្រ័ត្រ៕
