- 2018-08-18 08:58:14
- បាល់ទាត់
Florentino ស្ម័គ្រចិត្តបោះលុយ ៣០០ លានអឺរ៉ូ យក Neymar មកជំនួសកន្លែង Ronaldo
- 2018-08-18 08:58:14
- ចំនួនមតិ 0 | ចំនួនចែករំលែក 0
Florentino ស្ម័គ្រចិត្តបោះលុយ ៣០០ លានអឺរ៉ូ យក Neymar មកជំនួសកន្លែង Ronaldo
ចន្លោះមិនឃើញ
ម្ចាស់ក្លឹប Real Madrid លោក Florentino Perez បានត្រៀមលុយមួយបាច់ធំ ប្រមាណ៣០០ លានអឺរ៉ូ (ប្រហែល ៣៤៣ លានដុល្លារ) រួចរាល់ហើយដើម្បីត្រៀមឆក់យក Neymar ប្រសិនបើ UEFA ដាក់ទណ្ឌកម្ម Paris Saint-Germain ហើយបង្ខំឲ្យ PSG លក់កីឡាករប្រេស៊ីលមែន។ នេះបើតាមទីភ្នាក់ងារព័ត៌មាន BBC ចុះផ្សាយថ្ងៃនេះ។
Florentino Perezអស់សង្ឃឹមដោយសារតែលោកមិនទាន់បានរកឃើញកីឡាករជំនួស Cristiano Ronaldo បាន ខណៈដែលទីផ្សារដោះដូរកីឡាករនឹងត្រូវបិទទ្វារនៅថ្ងៃទី ៣១ ខែសីហា ពោលគឺនៅមិនដល់២សប្តាហ៍ទៀតផង។
បរាជ័យដ៏អាម៉ាស់របស់ក្រុមអធិរាជស នៃពានរង្វាន់ UEFA Super Cup ក្រោមថ្វីជើង Atletico បានធ្វើឲ្យអ្នកគាំទ្រផ្ទុះកំហឹងកក្រើកពេញកីឡដ្ឋាន Santiago Bernabeu។
ខ្សែប្រយុទ្ធ Icardi, Rodrigo និង Werner សុទ្ធតែស្ថិតក្នុងបញ្ជីកីឡាករដែលលោក Florentino ចង់បាន បន្ទាប់ពី Real លក់ Ronaldo ឲ្យ Juventus ក្នុងតម្លៃ ប្រហែល ១១៨ លានដុល្លារ។ នេះបើតាម Sport-English។
Paris Saint-Germain ត្រូវបានសហព័ន្ធបាល់ទាត់ទ្វីបអឺរ៉ុប UEFA ស៊ើបអង្កេតជាផ្លូវការ ជុំវិញការចំណាយលុយដ៏សន្ធឹកសន្ធាប់ នាទីផ្សារដោះដូរកីឡាករកាលពីរដូវក្តៅឆ្នាំមុន លើសពីខ្ទង់ចំណូលរបស់ក្លឹប ដែលសេចក្តីសម្រេចនឹងចេញជាផ្លូវការនៅចុងខែសីហានេះហើយ។
បញ្ញត្តិ ស្តីពី ការប្រកួតប្រជែងហិរញ្ញវត្ថុដោយយុត្តិធម៌ (Financial Fair Play) របស់ UEFA កាលពី ឆ្នាំ ២០១០ ចែងថា "ក្លឹបអាចចំណាយមិនលើសពី ៣០លានអឺរ៉ូ នៃចំណូលដែលក្លឹបរកបាន សម្រាប់រយៈពេល៣ឆ្នាំ" ឬមិនឲ្យចំណាយលើសពី១០លានអឺរ៉ូ ធៀបនឹងចំណូលក្នុង១ឆ្នាំៗ។
កាលពីឆ្នាំទៅ ក្លឹបអ្នកមានលុយមួយនេះ គ្រាន់តែចំណាយលើ Neymar និង Mbappe ជិតស្មើចំណូលដែលក្លឹបខំរកពេញមួយឆ្នាំ។ នេះបើតាម BBC ចុះផ្សាយកាលបីខែកញ្ញាឆ្នាំ២០១៧។
ប្រសិនបើ PSG ត្រូវបាន UEFA ដាក់ទណ្ឌកម្មដោយបង្ខំឲ្យលក់ Neymar ចេញមែន នោះជាកន្លែងដែលលោក Florentino នឹងចូលមកជាមួយនឹងទឹកប្រាក់ ៣៤៣ លានដុល្លារដែលលោកត្រៀមជាស្រេចដើម្បីឆក់យក Neymar៕