Paul Scholes បាន​ជំរុញ​ឲ្យ Paul Pogba បំភ្លេច​​ការ​ចង់​ទៅ Barcelona ហើយ​ត្រូវ​ប្រឹង​បញ្ចេញ​សមត្ថភាព​ឲ្យ​បាន​ល្អ​នៅ Manchester United ទើប​ប្រសើរ​ជាង។

មួយ​រយៈ​ចុងក្រោយ​នេះ Pogba ហាក់​មិន​សប្បាយ​ចិត្ត ដោយ​សារ​មាន​បញ្ហា​ខ្លះ​ៗ​ជាមួយ​លោក Jose Mourinho។ Jose បាន​ព្រមាន​ខ្សែ​បម្រើ​ខាង​លើ​​មិន​ឲ្យ​និយាយ​ច្រើនជាង​មួយ​អ្នក​កាសែត​ទេ ហើយ​ធ្លាប់​​ប្រាប់​ទៀត​ថា ប្រសិន​គេ​ចង់​ចេញ​ពី​ក្លឹប សរសេរ​លិខិត​សុំ​ផ្ទេរ​មក។

ជា​ឱកាស​ ហើយ​​ Pogba ​ទើប​តែ​បង្ហាញ​ទម្រង់​លេង​ល្អ​កាល World Cup ក្លឹប Barcelona​ មាន​បំណង​ចង់​នាំ​គេ​មក​កាន់​ទឹក​ដី​អេស្ប៉ាញ។ ទាក់ទិន​រឿង​នេះ Scholes បាន​បញ្ចេញ​មតិ​ថា​ប្រាប់​ទៅ​កាន់ BBC ថា៖ “Paul​ ត្រូវ​ការ​បង្ហាញ​សមត្ថភាព​បន្ថែម​ទៀត​ជាង​អ្វី​ដែល​គេ​កំពុង​ធ្វើ​សព្វថ្ងៃ។ ពួក​យើង​ដឹង​ពី​ទេពកោសល្យ​​ដែល​មាន”។

អតីត​កីឡាករ Man Utd បន្ត​ថា៖ “គេ​បាន​បង្ហាញ​​ទម្រង់​លេង​ល្អ​របស់​គេ​ពេល​ជួប Leicester ប៉ុន្តែ​គេ​គួរ​តែ​បង្ហាញ​បែប​នេះ​រាល់​សប្ដាហ៍។ គេ​គួរ​តែ​ត្រូវ​តែងតាំង​ជា​ប្រធាន​ក្រុម ពេល​ដែល​ពួក​យើង​ចុះ​កុងត្រា​យក​គេ ដើម្បី​ផ្ដល់​ការ​​ទំនួលខុសត្រូវ​ដល់​គេ"៕ ​