- 2018-08-17 13:07:14
- បាល់ទាត់
Ramos៖ យើងនឹងធ្វើឲ្យ Real ឈ្នះឡើងវិញ
- 2018-08-17 13:07:14
- ចំនួនមតិ 0 | ចំនួនចែករំលែក 0
Ramos៖ យើងនឹងធ្វើឲ្យ Real ឈ្នះឡើងវិញ
ចន្លោះមិនឃើញ
ក្រោយចាញ់ Atletico Madrid ក្នុងការដណ្ដើមពាន UEFA Super Cup ខ្សែការពារ Sergio Ramos ក្នុងថ្ងៃនេះបាននិយាយថា ខ្លួន និងមិត្តរួមក្រុមនឹងជួយឲ្យ Real Madrid ឈ្នះឡើងវិញ។
កីឡាករ Ramos បានសរសេរលើទំព័រ Twitter ផ្លូវការរបស់ខ្លួនថា៖ "យើងបានរៀនសូត្រពីការចាញ់នីមួយៗ។ យើងនឹងធ្វើឲ្យក្លឹបមួយនេះឈ្នះឡើងវិញ។ #HalaMadrid ម្សិលមិញ, ថ្ងៃនេះ, ថៃ្ងស្អែក និងជារៀងរហូត"។
សូមបញ្ជាក់ផងដែរថា ក្នុងរយៈពេល ៣ ឆ្នាំចុងក្រោយ Real Madrid មានសភាពជោគជ័យ។ ក្លឹបបានស្គាល់រសជាតិពានធំៗជាច្រើន ក្នុងនោះក្លឹបបានឈ្នះពាន Champions League ដល់ទៅ ៣ លើកជាប់គ្នា។
ទោះជាយ៉ាងណា ក្រោយឈ្នះ Champions League រដូវកាល ២០១៧/១៨ អតីតអ្នកចាត់ការ លោក Zinedine Zidane បានប្រកាសលាលែងពីតួនាទី។ នៅពេលនោះ លោកមិនបានបកស្រាយច្រើនទេអំពីហេតុផលនៃការសម្រេចចិត្តនេះ ប៉ុន្តែបាននិយាយថា ក្លឹប ត្រូវការ "ការផ្លាស់ប្ដូរ" ក្រោយរយៈពេល ៣ ឆ្នាំ។ កាលពីខែមិថុនា អតីតគ្រូបង្វឹកក្រុមជម្រើសជាតិអេស្ប៉ាញ លោក Julen Lopetegui ត្រូវបានតែងតាំងជាអ្នកចាត់ការក្លឹបថ្មី។
នៅខែកក្កដា កន្លងទៅ ខ្សែប្រយុទ្ធ Cristiano Ronaldo បានសម្រេចចាកចេញពីក្លឹប Real Madrid ទៅចូលរួម Juventus បន្ទាប់ពីរួមរស់ជាមួយក្លឹបអេស្ប៉ាញអស់រយៈពេល ៩ ឆ្នាំ។ ក្នុងអំឡុងពេលនោះ កីឡាករស៊ុតចូល ៤៥០ គ្រាប់ ក្នុងការបង្ហាញខ្លួន ៤៣៨ លើក។
កាលពីម្សិលមិញ Atletico បានឈ្នះពាន UEFA Super Cup ក្រោយបានឈ្នះ Real Madrid ក្នុងលទ្ធផល ៤ ទល់នឹង ២៕