- 2018-08-17 12:23:44
- បាល់ទាត់
ក្រុមជម្រើសជាតិកូរ៉េខាងត្បូងរកឃើញគ្រូបង្វឹកថ្មីហើយ
- 2018-08-17 12:23:44
- ចំនួនមតិ 0 | ចំនួនចែករំលែក 0
ក្រុមជម្រើសជាតិកូរ៉េខាងត្បូងរកឃើញគ្រូបង្វឹកថ្មីហើយ
ចន្លោះមិនឃើញ
សហព័ន្ធបាល់ទាត់កូរ៉េខាងត្បូង ក្នុងថ្ងៃនេះ បានប្រកាសតែងតាំងលោក Paulo Bento ធ្វើជាគ្រូបង្វឹកក្រុមជម្រើសជាតិ។
ក្រោយ World Cup ២០១៨ អតីតគ្រូបង្វឹកក្រុមជម្រើសជាតិមួយនេះ លោក Shin Tae-yong បានចាកចេញពីតួនាទីក្រោយសហព័ន្ធ បានសម្រេចមិនបន្តកុងត្រា។
ក្នុងឱកាសតែងតាំងគ្រូបង្វឹកថ្មី ប្រធានគណៈកម្មការបច្ចេកទេសនៃសហព័ន្ធបាល់ទាត់កូរ៉េខាងត្បូង លោក Kim Pan-gon បាននិយាយថា៖ "យើងជឿថា លោក Bento គឺជាគ្រូបង្វឹកដែលអាចអភិវឌ្ឍបាល់ទាត់កូរ៉េខាងត្បូង ប្រសិនជាយើងអាចបន្តគាំទ្រលោកនៅរយៈពេល ៤ ឆ្នាំទៅមុខទៀត"។
លោក Bento ធ្លាប់ធ្វើជាអ្នកចាត់ការក្លឹប Sporting CP ពីឆ្នាំ ២០០៥ ដល់ឆ្នាំ ២០០៩ និងជាគ្រូបង្វឹកក្រុមជម្រើសជាតិព័រទុយហ្គាល់ពីឆ្នាំ ២០១០ ដល់ឆ្នាំ ២០១៤។ កាលពីចុងឆ្នាំ ២០១៧ លោកបានក្លាយជាអ្នកចាត់ការក្លឹបចិន Chongqing Dangdai Lifan FC។ ទោះជាយ៉ាងណា បន្ទាប់ពីដឹកនាំមិនសូវបានជោគជ័យ លោកត្រូវបានក្លឹប បញ្ចប់ពីការងារកាលពីខែមុននេះ៕
