- 2018-08-17 23:30:00
- បាល់ទាត់
កាលជើងទី១ ណាហ្គា ចាញ់បឹងកេតទាំងមិនអស់ចិត្ត ចុះល្ងាចនេះវិញ?
- 2018-08-17 23:30:00
- ចំនួនមតិ 0 | ចំនួនចែករំលែក 0
កាលជើងទី១ ណាហ្គា ចាញ់បឹងកេតទាំងមិនអស់ចិត្ត ចុះល្ងាចនេះវិញ?
ចន្លោះមិនឃើញ
ក្រុមខ្លាំងរបស់កម្ពុជា ដែលកំពុងប្រជែងយកកំពូលតារាង បឹងកេត និងណាហ្គាវើល នឹងធ្វើការប្រកួតជើងទី២ នៅវេលាម៉ោង ៣ :០០ នាទីរសៀលនេះនៅស្តាតចាស់ដែលជាទឹកដីរបស់ណាហ្គាវើល ក្នុងការប្រកួតជើងទី២នៃលីគកំពូលកម្ពុជាសប្ដាហ៍ទី១៨។
កាលជើងទី១ ដែលធ្វើឡើងនៅពហុកីឡដ្ឋានជាតិ ក្រុមបឹងកេតបានយកឈ្នះទៅលើណាហ្គា ដោយលទ្ធផល ៣-២។ លទ្ធផលនោះលោក មាស ចាន់ណា គ្រូបង្វឹករបស់ណាហ្គាមិនពេញចិត្តឡើយ ដោយយល់ថា ការសម្រេចផ្ដល់បាល់ប៉េណាល់ទីរបស់អាជ្ញាកណ្ដាលដល់ បឹងកេត ដែលជាគ្រាប់បាល់ជ័យជម្នះ ៣-២ នៅចុងម៉ោងនោះ គឺមិនស័ក្ដិសម ព្រោះជាបាល់ដែលខ្សែការពាររបស់លោកមិនបានបង្កកំហុសទាល់តែសោះ។
បើគិតត្រឹមសប្ដាហ៍ទី១៧ បឹងកេត និងណាហ្គាវើល ខុសគ្នាតែ១ពិន្ទុប៉ុណ្ណោះ ដោយបឹងកេតមាន ៤២ ខណៈ ណាហ្គា មាន ៤១ ពិន្ទុ។ ដោយឡែកសម្រាប់ជំនួបសប្ដាហ៍ទី១៨នេះប្រៀបដូចជាសង្គ្រាមប្រជែងយកលេខ ១ ក្នុងតារាងលីគកំពូលកម្ពុជាយ៉ាងដូច្នោះដែរ។
កម្មវិធីប្រកួតសម្រាប់ថ្ងៃសៅរ៍៖
ណាហ្គា ប៉ះ បឹងកេត ម៉ោង ៣ រសៀលនៅស្តាតចាស់
ភ្នំពេញក្រោន ប៉ះ អង្គរថាយហ្គឺរ ម៉ោង ៦ ល្ងាចនៅ RSN
វិសាខា ប៉ះ សូលទីឡូអង្គរ ម៉ោង ៦ ល្ងាចនៅស្តាតចាស់
កម្មវិធីប្រកួតសម្រាប់ថ្ងៃអាទិត្យ៖
អាស៊ីអឺរ៉ុបយូណាយធីត ប៉ះ អគ្គិសនីកម្ពុជា ម៉ោង ៣ រសៀលនៅពហុកីឡដ្ឋានជាតិ
វេស្ទើនភ្នំពេញ ប៉ះ ព្រះខ័នរាជស្វាយរៀង ម៉ោង ៣ រសៀលនៅវេស្ទើន
ក្រសួងការពារជាតិ ប៉ះ អគ្គ.នគរបាលជាតិ ម៉ោង ៦ ល្ងាចនៅស្តាតចាស់