- 2018-08-17 07:32:21
- ប្រដាល់
គ្រូធំពីររូបនេះយក ឡុង ជិន ឬ ឈិត សេរីវណ្ណថង វគ្គផ្ដាច់ព្រ័ត្រស្អែក
- 2018-08-17 07:32:21
- ចំនួនមតិ 0 | ចំនួនចែករំលែក 0
គ្រូធំពីររូបនេះយក ឡុង ជិន ឬ ឈិត សេរីវណ្ណថង វគ្គផ្ដាច់ព្រ័ត្រស្អែក
ចន្លោះមិនឃើញ
លោកគ្រូធំពីររូបខាងប្រដាល់គុនខ្មែរ ធន់ សុភា ថា រវាង ឡុង ជិន និង ឈិត សេរីវណ្ណថង គឺម្យ៉ាងម្នាក់ទេ រីឯលោកគ្រូ ហេង ប៊ុនឃីម វិញគឺម្នាក់ក្បាច់ចេញច្បាស់ៗ ប៉ុន្តែម្នាក់ទៀតគឺល្អកម្លាំង នាជំនួបវគ្គផ្ដាច់ព្រ័ត្រខ្សែក្រវាត់ខារ៉ាប៉ាវនៅសង្វៀនអាស៊ីអាគ្នេយ៍។
ធន់ សុភា គ្រូប្រដាល់សមាគមក្រសួងការពារជាតិ យល់ឃើញថា មកដល់វគ្គនេះមិនគិតថាជើងចាស់ ឬថ្មីនោះទេ។ ចំណែកសមត្ថភាពវិញ ពួកគេទាំងពីរនាក់ខាងលើនេះ ល្អម៉្យាងម្នាក់ដូចគ្នា ឡុង ជិន ល្អធាក់ វ៉ៃកែង និងជង្គង់។ វណ្ណថង វិញគេល្អដៃ ល្អទាត់កាប់ជើងក្រោម ហើយបើនិយាយពីជ័យជម្នះវិញគឹ ៥០ ទល់ ៥០។
ចំពោះលោកគ្រូ ហេង ប៊ុនឃីម គ្រូជម្រើសជាតិថ្នាលគុនខ្មែរ វិញលើកឡើងបែបនេះថា បើ ឈិត សេរីវណ្ណថង បានហ្វឹកហាត់ពេញលេងបានល្អ អាចនឹងមានសង្ឃឹមឈ្នះច្រើន ព្រោះអីធ្លាប់ឃើញសមត្ថភាពប្រកួតពីមុនៗមកល្អ និងមានផ្លែច្បាស់ៗ។ ប៉ុន្តែបើហាត់មិនបានគ្រប់គ្រាន់ អាចរវល់រៀនត្រៀមប្រឡងក៏មិនថាយ៉ាងម៉េចដែរ។ រីឯកីឡាករ ឡុង ជិន វិញគ្រូប្រដាល់មកពីខេត្តបន្ទាយមានជ័យខាងលើបន្ថែមថា មិនធ្លាប់ដែលបានមើលការប្រកួតរបស់គេពីមុនមកទេ តែអាចនិយាយបានត្រឹមថា កីឡាករនៅភ្នំពេញមួយចំនួនគឺល្អកម្លាំង ដោយសារបានហ្វឹកហាត់ល្អ ដូច្នេះអាចមានប្រៀបកម្លាំង។
រំលឹកដែរថា កីឡាករ ឡុង ជិន និង ឈិត សេរីវណ្ណថង នឹងត្រូវប្រកួតវគ្គផ្ដាច់ព្រ័ត្រដណ្ដើមខ្សែក្រវាត់របស់សង្វៀនអាស៊ីអាគ្នេយ៍ទម្ងន់ ៥៧គីឡូក្រាម នារសៀលស្អែកនេះ ចាប់ពីម៉ោង២តទៅ។ ម្ចាស់ខ្សែក្រវាត់នឹងទទួលបានប្រាក់ ២៤លានរៀល ខណៈអ្នកលេខ២ បានប្រាក់១២លានរៀល៕