- 2018-08-17 00:23:00
- កីឡាផ្សេងៗ
យុវជនតេក្វាន់ដូ ITF ចេញប្រកួតក្រៅប្រទេសលើកទី១ មានទំនុកចិត្តខ្លាំង
- 2018-08-17 00:23:00
- ចំនួនមតិ 0 | ចំនួនចែករំលែក 0
យុវជនតេក្វាន់ដូ ITF ចេញប្រកួតក្រៅប្រទេសលើកទី១ មានទំនុកចិត្តខ្លាំង
ចន្លោះមិនឃើញ
អ្នកប្រយុទ្ធវ័យក្មេងរបស់កម្ពុជាខាងកីឡាតេក្វាន់ដូ-ITF ៣រូប ហាក់មានទំនុកចិត្តខ្ពស់ក្នុងការប្រកួតនៅកម្រិតលំដាប់ពិភពលោកឯប្រទេសបេឡារូស នាចុងខែសីហា ២០១៨នេះ បើទោះជាការចេញទៅប្រកួតក្រៅប្រទេសលើកដំបូងក៏ដោយ។
ប្អូនប្រុស បួន ចាន់ថារ៉ាត់ មានអាយុ ១៥ឆ្នាំ នឹងប្រកួតលើ៣វិញ្ញាសា ប្រយុទ្ធទម្ងន់ ៤៥គីឡូក្រាម ប្ចេកទេសពិសេស រួមទាំងសម្ដែងមេគុន។ កីឡាកររូបនេះហ្វឹកហាត់តេក្វាន់ដូ-ITF អស់រយៈពេលប្រហែល ៣ឆ្នាំមកហើយ ក្នុងចំណោមវិញ្ញាសាទាំងនេះ សង្ឃឹមខ្ពស់ថាធ្វើបានល្អជាងគេវិញ្ញាសាប្រយុទ្ធ និងមេគុនជាក្រុម។
យុវជនវ័យ សេង ម៉េងហៀង អាយុ ១៧ឆ្នាំ ចូលហ្វឹកហាត់កីឡាខាងលើនេះប្រហែល៣ឆ្នាំមកហើយ ចេញទៅប្រកួតជើងឯកពិភពលោក(យុវជន)នៅប្រទេសបេឡារូសនេះ លេង៤វិញ្ញាសា ប្រយុទ្ធ កត្តាជាក្រុម បច្ចេកទេសពិសេសជាក្រុម និងសម្ដែង។ ចំពោះវិញ្ញាសាប្រយុទ្ធកីឡាកររូបនេះនឹងលេងលើប្រភេទទម្ងន់ ៥៧គីឡូក្រាម។
ឆឹង វណ្ណនូ មានវ័យ១៧ឆ្នាំ កីឡាករតេក្វាន់ដូ-ITF ម្នាក់នេះនឹងត្រូវលេងវិញ្ញាសា ប្រយុទ្ធឯកត្តជន ប្រយុទ្ធជាក្រុម និងបច្ចេកទេសពិសេសជាក្រុម។ គិតមកដល់ពេលនេះ យុវជនថ្នាលជម្រើសជាតិរូបនេះហ្វឹកហាត់ត្រៀមបានប្រហែល២ផងដែរ ហើយវិញ្ញាសាដែលទុកចិត្តជាងគេគឺប្រយុទ្ធ និងបច្ចេកទេសពិសេស។
យុវជនថ្នាលតេក្វាន់ដូ-ITF របស់កម្ពុជា ៧រូប នឹងត្រូវចាកចេញពីកម្ពុជានាថ្ងៃសៅរ៍ ទី១៨ ខែសីហា ឆ្នាំ២០១៨ ដើម្បីទៅចូលរួមប្រកួតកម្មវិធីជើងឯកពិភពលោក(យុវជន)នៅប្រទេសបេឡារូស។ ពួកគេចាប់ផ្ដើមប្រកួតចាប់ពីថ្ងៃទី២២ ដល់ ២៧ ឆ្នាំ២០១៨៕