- 2018-08-14 02:00:02
- កីឡាផ្សេងៗ
ស្ទើរគ្មានអ្នកដឹង ម៉ូតូទឹកកម្ពុជាឈ្នះពានកម្រិតពិភពលោកជាច្រើនមុន Asian Games មកដល់
- 2018-08-14 02:00:02
- ចំនួនមតិ 0 | ចំនួនចែករំលែក 0
ស្ទើរគ្មានអ្នកដឹង ម៉ូតូទឹកកម្ពុជាឈ្នះពានកម្រិតពិភពលោកជាច្រើនមុន Asian Games មកដល់
ចន្លោះមិនឃើញ
កីឡាម៉ូតូទឹកកម្ពុជាត្រូវបានជ្រើសរើសឲ្យទៅប្រកួតកីឡាទ្វីបអាស៊ីនៅឥណ្ឌូណេស៊ី ទោះជាសហព័ន្ធទើបបង្កើតឡើងកាលពីឆ្នាំ២០១៧ និងគេមិនសូវស្គាល់ច្រើនមែន ប៉ុន្តែសមត្ថភាពខ្ពស់ដែលមហាជនប្រហែលជាមិនធ្លាប់ដឹង។
ឯកឧត្តម ណុះ ស្លេះ ប្រធានសហព័ន្ធកីឡាម៉ូតូទឹកកម្ពុជាប្រាប់ថា ធនធានកីឡាករម៉ូតូទឹកកម្ពុជាមានច្រើនឆ្នាំហើយ។ កីឡាករកម្ពុជាបានទៅហាត់នៅប្រទេសថៃតាំងពីឆ្នាំ២០០៨ដែលរហូតដល់ពេលនេះកីឡាករជាង១០នាក់មានបទពិសោធលើឆាកអន្តរជាតិ។ ពួកគាត់ធ្លាប់ប្រកួតនៅសហរដ្ឋអាមេរិក អ៊ីតាលី អូទ្រីស អូស្ត្រាលី និងប្រទេសផ្សេងៗទៀត ជាពិសេសនៅប្រទេសថៃតែម្តង និងឈ្នះមេដាយ ក៏ដូចជាពានរង្វាន់ជាច្រើន។
ឯកឧត្តមប្រាប់ថា ការប្រកួតលើឆាកអន្តរជាតិកន្លងមក កីឡាករកម្ពុជាចេញក្នុងនាមជាក្លឹបនៅក្រៅប្រទេស ប៉ុន្តែមិនទាន់តំណាងឲ្យប្រទេសកម្ពុជាឡើយ ពីព្រោះពេលនោះកម្ពុជាមិនទាន់មានសហព័ន្ធ។
សំផ្ទាល់ ៖«កីឡាករកម្ពុជាគួរតែតំណាងឲ្យកម្ពុជាពេលចេញប្រកួតក្រៅប្រទេស និងទទួលកិត្តិយសជាខ្មែរ។ ដូច្នេះហើយបានជាសហព័ន្ធត្រូវបានបង្កើតឡើងសម្រាប់ឲ្យកីឡាករតំណាងឲ្យខ្មែរចូលរួមប្រកួតលើឆាកអន្តរជាតិ»។
សហព័ន្ធបានសម្រិតសម្រាំងកីឡាករធ្លាប់មានបទពិសោធ និងឈ្នះពានលើឆាកអន្តរជាតិ២នាក់គឺកីឡាករ ម៉ឺន មូសស្ពាន និង សាលី អ៊ូមើត។ ម៉ឺន មូស្តាន ធ្លាប់ឈ្នះមេដាយមាស២គ្រឿង និងសំរឹទ្ធ១គ្រឿង កាលពីខែធ្នូ ឆ្នាំ២០១៧ក្នុងពានរង្វាន់ស្ដេចថៃដែលជាព្រឹត្តិការណ៍លំដាប់ពិភពលោកមានប្រទេសជាង៤០ចូលរួមប្រកួត។
សំដីផ្ទាល់ «សាលី អ៊ូមើត ជាកីឡាករកម្ពុជាឆ្នើមដែលគាត់ធ្លាប់ចូលរួមប្រកួតពានអន្តរជាតិនៅឆ្នាំ២០០៩ ២០១០ ២០១១ និង២០១២ដែលសរុបពានរង្វាន់ទាំងអស់ឈ្នះបានចំនួន៨។ កាលពីឆ្នាំ២០១០គាត់បានឈ្នះពានមួយទៀតក្នុងការប្រកួតកម្រិតខ្ពស់នៅប្រទេសម៉ាឡេស៊ី និងឈ្នះពានរង្វាន់២ និងមេដាយសំរឹទ្ធ១ក្នុងការប្រកួតកម្រិតពិភពលោកនៅសហរដ្ឋអាមេរិក។ នៅឆ្នាំបន្តបន្ទាប់ទៀតគិតតាំងពីឆ្នាំ២០១៣មក គាត់ក៏បានចូលរួមប្រកួត និងឈ្នះពានរង្វាន់ជាច្រើនទៀត»។
ក្នុងការត្រៀមខ្លួន សហព័ន្ធបានបញ្ជូនកីឡាករទៅប្រកួត និងហ្វឹកហាត់នៅប្រទេសថៃ អាល្លឺម៉ង់ អូស្ត្រាលី និងអ៊ីតាលីដើម្បីសិក្សាស្វែង ព្រមទាំងវាស់ស្ទង់កម្រិតគុណភាព។ ជាងនេះទៀតនោះ សហព័ន្ធបានជួលគ្រួបង្វឹកបរទេស ជាងមេកានិកបរទេស និងទីប្រឹក្សាដើម្បីហ្វឹកហាត់សម្រាប់ការត្រៀមខ្លួននេះ។
សូមបញ្ជាក់ថា សហព័ន្ធនឹងបញ្ជូនកីឡាករ២នាក់ និងគ្រូបង្វឹកម្នាក់ចូលរួមប្រកួតកីឡា Asian Games ដែលនឹងចាប់ផ្តើមពីថ្ងៃទី១៨ ខែសីហា ដល់ ទី២ ខែកញ្ញា ឆ្នាំ២០១៨ នៅប្រទេសឥណ្ឌូណេស៊ី៕
