- 2018-08-09 08:07:39
- ប្រវត្តិ
១០រឿង ដែលអ្នកអាចមិនដឹងពីអ្នកចាំទី Real Madrid ថ្មី Courtois
- 2018-08-09 08:07:39
- ចំនួនមតិ 0 | ចំនួនចែករំលែក 0
១០រឿង ដែលអ្នកអាចមិនដឹងពីអ្នកចាំទី Real Madrid ថ្មី Courtois
ចន្លោះមិនឃើញ
Courtois អតីតអ្នកចាំទីរបស់ Chelsea និងជាម្ចាស់ស្រោមដៃមាស World Cup នៅរុស្ស៊ីបានឈានដល់កិច្ចព្រមព្រៀងជាផ្លូវការផ្ទេរទៅ Real Madrid កាលពីយប់មិញ។
កីឡាករសញ្ជាតិបែលហ្សិកគឺជាអ្នកចាំទីកំពូលមួយរូបនាពេលបច្ចុប្បន្នហើយនេះមិនមែនជាលើកដំបូងទេដែលរូបគេលេងបាល់ទាត់អាជីពលើទឹកដីអេស្ប៉ាញពោលគឺធ្លាប់រួមរស់ជាមួយ Atl Madrid ជាច្រើនឆ្នាំកាលពីអតីតកាលក្នុងនាមជាកីឡាករខ្ចីជើងពី Chelsea។ យ៉ាងក្រោមគឺជារឿងរ៉ាវមួយចំនួនរបស់តារាឆ្នើមវ័យ២៦ឆ្នាំដែលប្រិយមិត្តអាចមិនធ្លាប់ដឹង៖
១. Courtois លេងលីគអាជីពបែលហ្សិកលើកដំបូងជាមួយក្រុម KRC Genk ក្នុងវ័យ១៦ឆ្នាំ។ កាលនៅតូចគេលេងជាតួនាទីខ្សែការពារខាងឆ្វេង។
២. មិត្តជិតស្និទ្ធបំផុតរបស់ Courtois ក្នុងពិភពបាល់ទាត់គឺ Hazard។ អ្នកទាំងពីរធ្លាប់លេងជាមួយគ្នា ១៩៧ប្រកួត។ "Hazard ត្រូវតែនៅជាមួយខ្ញុំជារៀងរហូតមិនថាដល់ទីណាឡើយ ខ្ញុំនឹងយករូបគេទៅតាម"។ Courtois ធ្លាប់និយាយដូច្នេះ។
៣. ឪពុកម្ដាយរបស់ Courtois គឺជាកីឡាករបាល់ទះអាជីពលេងឲ្យក្រុម Genk-Opglabbeek ហើយបងស្រីបង្កើតនាង Valerie គឺជាកីឡាការិនីបាល់ទាត់ជម្រើសជាតិបែលហ្សិក។
៤. កីឡាករដែលស៊ុតចូលគេច្រើនបំផុតគឺ Cristiano Ronaldo ចំនួន ១០គ្រាប់ ក្នុង៩ប្រកួត។
៥. មូលហេតុមួយដែលធ្វើឲ្យ Courtois ចង់ត្រឡប់ទៅម៉ាឌ្រីដខ្លាំងបំផុតគឺដើម្បីជួបជុំគ្រួសារ ដោយសារកូនទាំងពីរ Adriana និង Nicolás កំពុងរស់នៅទីនោះជាមួយអតីតមិត្តស្រីរបស់គេ។
៦. ក្រៅពីលេងបាល់ទាត់ និងបាល់ទះ Courtois ចូលចិត្តកីឡាប្រណាំងកង់ខ្លាំងបំផុត។
៧. រូបគេអាចនិយាយបាន៤ភាសាមាន អង់គ្លេស, បារាំង, ហូឡង់ និងអេស្ប៉ាញ។
៨. Courtois ទទួលថ្លៃនឿយហត់៩លានអឺរ៉ូពី Chelsea ក្នុងឆ្នាំ២០១១ តែមិនបានបង្ហាញខ្លួនឲ្យក្រុមរហូតដល់ឆ្នាំ២០១៤ ក្រោយចប់ការខ្ចីជើងពី Atletico Madrid។
៩. ជារឿយៗរូបគេចូលចិត្តហាត់ស៊ុត Free Kick ពេលហ្វឹកហាត់ដូចជាខ្សែប្រយុទ្ធ។
១០. អ្នកចាំទីដែលជា Idol របស់ Courtois គឺ Van der Sar អតីតវីរបុរស Manchester United៕