- 2018-08-09 08:19:08
- បាល់ទាត់
គ្រូណាហ្គាញញើតស្វាយរៀង ឃើញក្រុមនេះធ្លាក់បាត់វគ្គបន្ទាប់ប៉ះក្រុមណាក៏បាន
- 2018-08-09 08:19:08
- ចំនួនមតិ 0 | ចំនួនចែករំលែក 0
គ្រូណាហ្គាញញើតស្វាយរៀង ឃើញក្រុមនេះធ្លាក់បាត់វគ្គបន្ទាប់ប៉ះក្រុមណាក៏បាន
ចន្លោះមិនឃើញ
លោក មាស ចាន់ណា គ្រូបង្វឹករបស់ណាហ្គាវើលមានការញញើត ជាមួយព្រះខ័នរាជស្វាយរៀងក្នុងពានរង្វាន់ Hun Sen Cup ប៉ុន្តែក្រោយក្រុមនេះធ្លាក់បាត់នៅវគ្គ ៨ ក្រុមចុងក្រោយក្រោមថ្វីជើងទ័ពម្សិលមិញ លោកថា ប៉ះក្រុមណាក៏បាននៅវគ្គ ៤ ក្រុមចុងក្រោយ។
ណាហ្គាវើលបានយកឈ្នះ បឹងកេតដោយការទាត់បាល់កាត់សេចក្ដីប៉េណាល់ទី ៣-២ ក្នុងព្រឹត្តិការណ៍ Hun Sen Cup វគ្គ ៨ ក្រុមចុងក្រោយកាលពីយប់មិញនេះនៅពហុកីឡដ្ឋានជាតិ។ ក្រោយបញ្ចប់ដោយលទ្ធផល ៣-៣ សរុបទាំងពីរជើង បន្ទាប់ពីប្រកួតចប់ភ្លាមលោក មាស ចាន់ណា បាននិយាយថា «មែនទែនទៅយើងប៉ះជាមួយស្វាយរៀងរហូត មានពេលខ្លះយើងបាក់របស់ស្វាយរៀងដែរពានរង្វាន់សម្ដេចហ្នឹង។ ប៉ះក្រុមណាក៏បានក្នុងចំណោម ៣ ក្រុមហ្នឹង ជួបអ្នកណាយើងលេងជាមួយអ្នកហ្នឹង។ គ្រាន់តែយើងត្រូវត្រៀមខ្លួនឲ្យស្រួលទៅបានហើយ»។
លោកបន្ថែមថា បីក្រុមដែលឡើងមកសុទ្ធតែល្អៗ និងខ្លាំងៗទើបពួកគេអាចឡើងមកកាន់វគ្គនេះបានដូច្នេះលោកគិតថាប៉ះក្រុមណាក៏បាន។ ពានរង្វាន់ខាងលើ នឹងធ្វើការចាប់ឆ្នោតវគ្គ ៤ ក្រុមចុងក្រោយនៅថ្ងៃទី១៣ ខែសីហា ឆ្នាំ២០១៨។ ក្រុមដែលឡើងទៅមាន ទ័ព, ណាហ្គាវើល, ប៉ូលិស និង អង្គរថាយហ្គឺរ៕
