- 2018-08-09 02:32:11
- បាល់ទាត់
បឹងកេតមិនបានហាត់ទាត់ប៉េណាល់ទី ព្រោះមុនប្រកួតគ្មានសង្ឃឹម
- 2018-08-09 02:32:11
- ចំនួនមតិ 0 | ចំនួនចែករំលែក 0
បឹងកេតមិនបានហាត់ទាត់ប៉េណាល់ទី ព្រោះមុនប្រកួតគ្មានសង្ឃឹម
ចន្លោះមិនឃើញ
លោក ហៅ សុជាតិ គ្រូបង្វឹករបស់បឹងកេតគ្មានសង្ឃឹមអាចវាយបកណាហ្គាវើល ៣-១ ទើបមិនបានហាត់ទាត់ប៉េណាល់ទីទាល់តែសោះ សម្រាប់ការប្រកួតពានរង្វាន់ Hun Sen Cup 2018 នៅពហុកីឡដ្ឋានជាតិយប់មិញនេះ។
បឹងកេតបានបរាជ័យកាលជើងទី១ក្រោមថ្វីជើងណាហ្គា ២-០ ហើយបានវាយបក ៣-១ ដើម្បីអាចឈានដល់ការទាត់បាល់ប៉េណាល់ទី ដែលណាហ្គាយកឈ្នះ ៣-២។ ទាក់ទងការទាត់បាល់ណាល់ទីមិនបានល្អរបស់បឹងកេតលោក ហៅ សុជាតិ បានឲ្យដឹងថា មិនបានត្រៀមខ្លួនអ្វីទាំងអស់សម្រាប់ចំណុចនេះ ពោលលោកគ្មានសង្ឃឹមអាចវាយបកណាហ្គាវើលផង។
លោកបន្ថែមថា លទ្ធផលយកឈ្នះនៅ ៩០ នាទី ៣-១ ទៅលើណាហ្គាជារឿងពិបាកបំផុត ដោយសារដៃគូមួយនេះខ្លាំង ដោយសម្បូរទៅដោយកីឡាករកម្ពុជា ដែលមានបទពិសោធជោកជាំ។ មួយវិញទៀត លោកពិតជាអរគុណដល់កីឡាកររបស់ខ្លួន បើទោះធ្លាក់ចេញពីពានរង្វាន់ខាងលើមែន ប៉ុន្តែប្រកួតយកឈ្នះណាហ្គាវើលនេះជាការលេងដ៏ល្អរបស់បឹងកេត ដែលកីឡាករទាំងអស់បានប្រឹងប្រែងអស់ពីកម្លាំងកាយចិត្ត។
វគ្គ ៤ ក្រុមចុងក្រោយ នឹងធ្វើការចាប់ឆ្នោតនៅថ្ងៃទី១៣ ខែសីហា ឆ្នាំ២០១៨។ ក្រុមដែលឡើងទៅមាន ទ័ព, ណាហ្គាវើល, ប៉ូលិស និង អង្គរថាយហ្គឺរ៕