• 2018-08-08 02:10:43
  • កីឡា​ផ្សេង​ៗ

២​ប្រភេទ​កីឡា​កម្ពុជា​ខ្លាំង តែ​គ្មាន​ឱកាស​បង្ហាញ​ខ្លួន​នៅ Asian Games

  • 2018-08-08 02:10:43
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​ព្រឹត្តិការណ៍​ដ៏​ធំ​ប្រចាំ​តំបន់​ ៤​ឆ្នាំ​មាន​ម្ដង​ Asian Games សម្រាប់​ឆ្នាំ​​នេះ​ នឹង​ចាប់​ផ្ដើម​ដំណើរ​ការ​ប្រកួត​ចន្លោះ​ពី​ថ្ងៃ​ទី១៨​ ខែ​សីហា រហូត​ដល់​ថ្ងៃ​ទី​២ ខែ​កញ្ញា ​ឆ្នាំ​២០១៨ នៅ​ប្រទេស​ឥណ្ឌូណេស៊ី​។ ​ព្រឹត្តិការណ៍​នេះ​កម្ពុជា​បាន​បញ្ជូន​​ប្រភេទ​កីឡា​ចំនួន ១៣ ឲ្យ​ទៅ​ចូល​រួម​ប្រកួត​​ដែល​មាន​កីឡាករ និង​កីឡា​ការិនី​សរុប​​ចំនួន​៤៣​នាក់។

​ក្នុង​ចំណោម​ប្រភេទ​កីឡា​ទាំង​អស់​​របស់​កម្ពុជា​មាន​​ប្រភេទ​កីឡា​ចំនួន ២ ប្រភេទ​ ដែល​​ត្រូវ​បាន​គេ​ដឹង​ថា មាន​សក្ដានុពល ​ប៉ុន្តែ​មិន​អាច​ទៅ​ចូល​រួម​​ព្រឹត្តិការណ៍​ខាង​លើ​គឺ​ទី​១​ ប្រភេទ​កីឡា​ប៉េតង់ និង​សីប៉ាក់តាក្រ​។

កីឡាករ សុខ ចាន់មាន (ម្ចាស់មេដាយ​មាស​ពិភព​លោក​ឆ្នាំ​២០១៦)

​​សម្រាប់​​ប៉េតង់​​ត្រូវ​បាន​គេ​ដឹង​ថា​ ជា​ប្រភេទ​កីឡា​ដែល​​​ម្ចាស់​ផ្ទះ​ឥណ្ឌូណេស៊ី សម្រេច​មិន​បញ្ចូល​​ឈ្មោះ​ក្នុង​ការ​​ព្រឹត្តិការណ៍ Asian Games ឆ្នាំ​នេះ​ឡើយ។ ចំណែក​ប្រភេទ​កីឡា​សីប៉ាក់តាក្រ​​​វិញ គឺ​កម្ពុជា​សម្រេច​មិន​បញ្ជូន​ទៅ​។ ប្រភេទ​កីឡា​សីប៉ាក់តាក្រ​លោក​ ជាតិ ខេមរា គ្រូ​បង្វឹក​​ក្រុម​ជម្រើស​ជាតិ​សីប៉ាក់តាក្រ​កម្ពុជា​បាន​បញ្ជាក់​ថា លោក​ពិត​ជា​មាន​ការ​សោក​ស្ដាយ​ខ្លាំង​មែន​ទែន ដែល​មិន​អាច​មាន​ឱកាស​ទៅ​ចូល​រួម​ព្រឹត្តិការណ៍​​នេះ។

​លោក​បញ្ជាក់​ថា សីប៉ាក់តាក្រ​កម្ពុជា​ខ្លាំង​លើ​ប្រភេទ​វិញ្ញាសា​ពីរ​ស្មើ ដែល​​​ជា​វិញ្ញាសា​មាន​​​ឱកាស​ក្នុង​ការ​ដណ្ដើម​មេដាយ។ ប៉ុន្តែ​បែរ​ជា​មិន​បាន​ទៅ​ចូល​រួម​ទៅ​វិញ។

ទាក់​ការ​បញ្ជូន​កីឡាករ​ទៅ​ចូល​រួម​ព្រឹត្តិការណ៍​ខាង​លើ​នេះ​ឯក​ឧត្ដម វ៉ាត់ ចំរើន ​អគ្គលេខាធិការ​នៃ​គណៈកម្មាធិការ​ជាតិ​អូឡាំពិក​កម្ពុជា​បាន​បញ្ជាក់​ថា ​ប្រភេទ​កីឡា​ជា​ក្រុម​ដូច​ជា បាល់ទាត់ បាល់ទះ បាល់បោះ ជា​ដើម​គឺ​មិន​ធ្លាប់​ទៅ​ចូល​រួម​រួម​ប្រកួត​កម្រិត​អាស៊ី​នេះ​ទេ​តាំង​ពី​ដើម​មក​។ ​​​ហេតុ​នេះ​ទើប​គណៈកម្មាធិការ​ជាតិ​សម្រេច​មិន​បញ្ជូន​ប្រភេទ​កីឡា​ជា​ក្រុម​​​ទាំង​នេះ​ទៅ​ចូល​រួម។

ឯកឧត្ដម វ៉ាត់ ចំរើន

ឯក​ឧត្តម​​​​បន្ត​ថា ​ប្រភេទ​កីឡា​​លក្ខណៈ​ឯកត្តជន​​ដែល​មាន​កម្រិត​គុណភាព​ បច្ចេកទេស​ ដែល​អាច​ប្រកួត​ប្រជែង​នឹង​បណ្តា​ប្រទេស​ផ្សេង​ៗ​នៅ​អាស៊ី និង​រំពឹង​ថា​អាច​រក​​មេដាយ​​បាន​​​មាន​ដូច​ជា​ តេក្វាន់ដូ​​ដែល​មាន​វីរនារី ស៊ន សៀវម៉ី​ កីឡា​ Jet Ski ​មាន​កីឡាករ​ល្អ​ៗ​ និង​កីឡា​ Jujitsu ​​មាន​កីឡា​ការិនី​កូន​ខ្មែរ​មក​ពី​​អាមេរិក៕

អត្ថបទ៖ ស្រី សុវណ្ណដារ៉ា​

មតិយោបល់