- 2018-08-06 02:17:57
- ប្រដាល់
សុខ សាវិន សរសើរថៃ យប់មិញទាត់ឡើងបែកឈាម ប៉ុណ្ណឹងហើយនៅតែមិនអី
- 2018-08-06 02:17:57
- ចំនួនមតិ 0 | ចំនួនចែករំលែក 0
សុខ សាវិន សរសើរថៃ យប់មិញទាត់ឡើងបែកឈាម ប៉ុណ្ណឹងហើយនៅតែមិនអី
ចន្លោះមិនឃើញ
អ្នកប្រដាល់ទើបលេចមុខបានវ៉ៃគូឯក សុខ សាវិន យប់មិញប្រើរន្ទះជើងច្រើនមែនទែន ទាត់រហូតថៃជាំបែកឈាមភ្លៅស្ដាំយ៉ាងខ្លាំង ប៉ុន្តែនៅតែអាចបន្តការប្រកួតរហូតដល់ចប់ទឹកទី៥ ដដែល។
សុខ សាវិន បានឲ្យដឹងថា ពិតជាសរសើរកីឡាករថៃ Jingreetthorng ម្នាក់នេះខ្លាំងណាស់ ទោះជាត្រូវរងទម្ងន់ជើងខ្លួនយ៉ាងច្រើនបែបនេះហើយនៅតែមិនអីដដែល បើកីឡាករផ្សេងៗវិញត្រូវច្រើនដូចនេះ ប្រហែលជាខូចជើងហើយ។ មានកីឡាករមួយចំនួនហើយ ដែលត្រូវខូចជើងដោយសារការទាត់ពីមុនមករបស់ខ្លួន។
អ្នកប្រដាល់មកពីក្លឹបសសុខសែនជ័យខាងលើបន្ថែមថា មូលហេតុដែលខ្លួនចូលទៅវ៉ៃតាំងតែពីទឹកទី១ទៅនោះ គឺដោយសារតែរូបគេខ្លាចចាញ់ការប្រកួត ដូច្នេះត្រូវតែខំវ៉ៃរហូតពីដើមទៅតែម្ដង ណាមួយរួមផ្សំដោយសារបានហ្វឹកហាត់ពេញផងដែរ។
រំលឹកដែរថា សុខ សាវិន សិស្សមកពីក្លឹបប្រដាល់សសែនជ័យ កូនសិស្សរបស់លោក ស៊ន អេលីត ប្រកួតជាមួយបរទេសទើបតែ៨ដងប៉ុណ្ណោះ យប់មិញនេះយកឈ្នះកីឡាករថៃ Jingreetthorng ដោយពិន្ទុនៅសង្វៀនបាយ័នស្ទឹងមានជ័យ៕