- 2018-07-26 04:29:07
- កីឡាផ្សេងៗ
ក្រុមជើងឯកកម្ពុជា Revenge Team ចេញទៅប្រកួតនៅសិង្ហបុរីស្អែក
- 2018-07-26 04:29:07
- ចំនួនមតិ 0 | ចំនួនចែករំលែក 0
ក្រុមជើងឯកកម្ពុជា Revenge Team ចេញទៅប្រកួតនៅសិង្ហបុរីស្អែក
ចន្លោះមិនឃើញ
ក្រុមកីឡាអេឡិចត្រូនិកកម្ពុជា Revenge Team នឹងចេញដំណើរទៅប្រទេសសិង្ហបុរីនារសៀលថ្ងៃស្អែក ទី២៧ ខែកក្កដា ឆ្នាំ២០១៨ ដើម្បីចូលរួមប្រកួតជើងឯកអាស៊ាន Hyperplay សម្រាប់វិញ្ញាសា League of Legend ។
ក្រុម Revenge Team ជាជើងឯកក្នុងការប្រកួតជ្រើសរើសប្រចាំនៅប្រទេសកម្ពុជាដែលបានបញ្ចប់កាលពីខែមិថុនាកន្លងទៅ។ ក្រុមនេះត្រូវបានជ្រើសរើសចេញពីការប្រកួតក្នុងចំណោម២៣ក្រុមដើម្បីតំណាងឲ្យប្រទេសកម្ពុជាចូលរួមប្រកួតនៅប្រទេសសិង្ហបុរី។
ព្រឹត្តិការណ៍ Hyperplay នឹងមានក្រុមជើងឯកមកពីប្រទេសចំនួន១០នៅតំបន់អាស៊ានគឺក្រុមជើងឯកផ្ទះសិង្ហបុរី កម្ពុជា ថៃ វៀតណាម ម៉ាឡេស៊ី ឥណ្ឌូណេស៊ី ហ្វីលីពីន ឡាវ មីយ៉ាន់ម៉ា និងប្រ៊ុយណេ។ ក្រុមជើងឯកនឹងទទួលបានរង្វាន់កុំព្យូទ័រម៉ាក Razer Blade HD 256GB ចំនួន ៦គ្រឿង ដែលមានម៉ៅ ក្តារចុច និងកាសពាក់ត្រចៀក។ កុំព្យូទ័រ១គ្រឿងៗតម្លៃ២០០០ដុល្លារ ដូច្នេះ៦គ្រឿងតម្លៃសរុប១២០០០ដុល្លារអាមេរិក។
ជាពិសេសទៀតនោះ ក្រុមទាំង១០នឹងទទួលបានការឧបត្ថម្ភធ្វើដំណើរកម្សាន្តទៅកាន់តំបន់ទេសចរណ៍លំដាប់ពិភពលោកជាច្រើននៅប្រទេសសិង្ហបុរី។ ព្រឹត្តិការណ៍នេះនឹងមានការប្រគំតន្ត្រីដ៏អស្ចារ្យដែលមានតារាចម្រៀង និងឌីជេលំដាប់ពិភពលោកចូលរួមសម្តែងជាច្រើនលើកទៀតផង។
Hyperplay ជាមហោស្រពតន្ត្រី និងការប្រកួតកីឡាអេឡិចត្រូនិកលើកដំបូងនៅតំបន់អាស៊ានដែលនឹងរៀបចំថ្ងៃទី៤-៥ ខែសីហា ឆ្នាំ២០១៨នៅកីឡដ្ឋាន Indoor Stadium ដែលជាផ្នែកមួយរបស់ប្រទេសសិង្ហបុរីក្នុងនាមជាប្រធានអាស៊ានឆ្នាំនេះ។ តាមរយៈកម្មវិធី Hyperplay យុវជននៅក្នុងតំបន់នឹងបានជួបជុំគ្នាដើម្បីគោលបំណងរួមគ្នា ប្រកួតជាមួយគ្នា ស្វែងយល់ពីគ្នា និងកសាងសហគមន៍អាស៊ានតែមួយឲ្យកាន់តែខ្លាំងក្លា។
ក្រុមជើងឯកកម្ពុជា Revenge Team និងថ្នាក់ដឹកនាំនឹងចេញដំណើរពីប្រទេសកម្ពុជាវេលាម៉ោង៣រសៀល ថ្ងៃសុក្រ ទី២៧ ខែកក្កដា ឆ្នាំ២០១៨៕
Revenge Team ឈ្នះជើងឯក LOL តំណាងកម្ពុជាទៅប្រកួតនៅសិង្ហបុរី