- 2018-07-20 12:46:17
- បាល់ទាត់
បែកប៉ុន្មានខែសោះ អ្នកចាំទីចាស់វស្សា Cech ឡើងមាឌធំមិនធម្មតា
- 2018-07-20 12:46:17
- ចំនួនមតិ 0 | ចំនួនចែករំលែក 0
បែកប៉ុន្មានខែសោះ អ្នកចាំទីចាស់វស្សា Cech ឡើងមាឌធំមិនធម្មតា
ចន្លោះមិនឃើញ
ក្នុងជំនួបមិត្តភាពប៉ះជាមួយក្លឹប Crawley Town ក្លឹប Arsenal បានយកក្នុងលទ្ធផលដល់ទៅ ៩-០។ អ្វីដែលគួរឲ្យកត់សម្គាល់នោះ គឺថា កីឡាករចាំទី Petr Cech បានប្រែប្រួលរាងទៅជាមាឌធំជាងមុន។
មុនពេលរដូវកាល ២០១៧/១៨ បានបិទបញ្ចប់ អ្នកចាំទីវ័យ ៣៦ឆ្នាំ Cech មានមាឌធំល្មម តែមិនសូវមានសាច់ដុំធំប៉ុន្មានទេ។ ទោះជាយ៉ាងណា កាលពីម្សិលមិញ ក្នុងប្រកួតមិត្តភាព កីឡាករត្រូវបានប្រទះឃើញថាបានប្រែទៅជាមានមាឌធំ និងពោរពេញទៅសាច់ដុំ។ ការណ៍នេះបង្កឲ្យអ្នកគាំទ្ររបស់កីឡាករនៅបណ្ដាញសង្គម Twitter បានលើកឡើងបែបកំប្លែងថា ទំនងកីឡាករមិនដើរលេងទៅណាទេ ហើយបានចំណាយពេលច្រើននៅកន្លែងហាត់ប្រាណ ក្នុងអំឡុងពេលវិស្សមកាលរដូវកាលក្ដៅនេះ។
សូមបញ្ជាក់ផងដែរថា តាំងពីចូលរួមជាមួយ Arsenal កាលពីឆ្នាំ ២០១៥ អ្នកចាំទី Cech បានលេងដល់ទៅ ១១៧ ប្រកួតឲ្យក្លឹប។ ទោះជាយ៉ាងណា ការណ៍ដែលក្លឹបបានសម្រេចនាំចូលអ្នកចាំទីវ័យ ២៦ ឆ្នាំ Bernd Leno ពីក្លឹប Bayer Leverkusen កាលពីខែមុន ធ្វើឲ្យអនាគត Cech នៅក្លឹបកាំភ្លើងធំ ស្ថិតក្នុងភាពមិនច្បាស់លាស់។
កាលពីពេលថ្មីៗនេះ មានពាក្យចចាមអារ៉ាមដែលថា អ្នកចាំទីចាស់វស្សារូបនេះ អាចត្រលប់មកចូលរួមជាមួយតោខៀវ Chelsea វិញ៕
