- 2018-07-18 23:30:00
- ប្រដាល់
ខុន រាជ ពេញចិត្ត សុខ ធី ខ្លាំងបំផុត ព្រោះវ៉ៃប្រកបដោយបញ្ញា
- 2018-07-18 23:30:00
- ចំនួនមតិ 0 | ចំនួនចែករំលែក 0
ខុន រាជ ពេញចិត្ត សុខ ធី ខ្លាំងបំផុត ព្រោះវ៉ៃប្រកបដោយបញ្ញា
ចន្លោះមិនឃើញ
អតីតជើងខ្លាំងគុនខ្មែរដែលកំពុងបង្ហាត់នៅប្រទេសជប៉ុន ខុន រាជ ពេញចិត្តអ្នកប្រដាល់វ័យក្មេង សុខ ធី ខ្លាំងបំផុតក្នុងចំណោមកីឡាករប្រដាល់ល្បីៗនៅកម្ពុជានាពេលបច្ចុប្បន្ន។
ខុន រាជ ប្រាប់ឲ្យដឹងពីជប៉ុនថា ថ្វីបើរូបគេស្ថិតនៅប្រទេសជប៉ុនឆ្ងាយពីកម្ពុជា ប៉ុន្តែរូបគេតាមដានវិស័យប្រដាល់គុនខ្មែរបច្ចុប្បន្នរហូត។ រូបគេពេញចិត្ត និងស្រលាញ់គាំទ្រកីឡាករប្រដាល់ខ្មែរទាំងអស់ តែនិយាយពីការពេញចិត្តបំ សុខ ធី ដែលគេហៅ កាកា។
គ្រូប្រដាល់នៅប្រទេសជប៉ុនរូបនេះ បន្ថែមថា សុខ ធី ជាកីឡាករដែលមានសមត្ថភាពម្នាក់ដែលប្រើបច្ចេកទេសប្រកួតពិតៗ។ រូបគេពូកែធាក់ និងការពារបានល្អ។ ចំណែកដៃជើង គឺរស់រវើកអាចចេញបានទាំងអស់គ្រប់កាលៈទេសៈ។ ជាអ្នកប្រដាល់មានតិចនិកខ្ពស់ វ៉ៃចេញបានគ្រប់ជ្រកហើយធ្ងន់។ ជាពិសេសជាកីឡាករឆ្លាតម្នាក់ដែលវ៉ៃប្រកបដោយបញ្ញា។
ខុន រាជ ជាអតីតជើងខ្លាំងម្នាក់ក្នុងវិស័យប្រដាល់គុនខ្មែរ និងធ្លាប់ឈ្នះខ្សែក្រវាត់នៅសង្វៀន CTN ផងដែរ។ រូបគេកំពុងបង្ហាត់ប្រដាល់នៅប្រទេសជប៉ុនប្រហែល៣ឆ្នាំមកហើយ៕
