- 2018-07-17 07:05:57
- ព័ត៌មាន
Son អាចគេចពីការបំពេញកាតព្វកិច្ចយោធាជាមួយកូរ៉េដោយប្រើវិធីនេះ
- 2018-07-17 07:05:57
- ចំនួនមតិ 0 | ចំនួនចែករំលែក 0
Son អាចគេចពីការបំពេញកាតព្វកិច្ចយោធាជាមួយកូរ៉េដោយប្រើវិធីនេះ
ចន្លោះមិនឃើញ
Heung-min Son នឹងអវត្ដមានប្រកួតបើករដូវកាលមួយចំនួននៅ Premier League ជាមួយ Tottenham Hotspur ដោយសារត្រូវកោះហៅចូលក្រុមជម្រើសជាតិសម្រាប់ Asian Games នៅឥណ្ឌូណេស៊ី។
កម្មវិធីខាងលើនឹងធ្វើឡើងពីថ្ងៃទី ១៤ ខែសីហា ដល់ ថ្ងៃទី១ ខែកញ្ញា មានន័យថាខ្សែប្រយុទ្ធវ័យ២៥ឆ្នាំនឹងខកខានលេងប្រកួតទល់នឹង Newcastle United, Fulham, Manchester United និង Watford។ បើសិន Son អាចជួយកូរ៉េខាងត្បូងឈ្នះមេដាយមាសគេអាចទទួលការលើកលែងពីការបំពេញកាតព្វកិច្ចយោធារយៈពេល២១ខែ ដែលច្បាប់ក្នុងប្រទេសនេះតម្រូវ។
ព្រឹត្តិការណ៍ Asian Games លើវិញ្ញាសាបាល់ទាត់គឺសម្រាប់កីឡាករអាយុក្រោម២៣ឆ្នាំ តែអនុញ្ញាតឲ្យមាន៣រូបលើសអាយុ ហើយ Son គឺជាជម្រើសម្នាក់ក្នុងចំណោម៣នាក់នោះ។ កូរ៉េខាងត្បូងគឺជាម្ចាស់មេដាយមាសចាស់កាលពីឆ្នាំ២០១៤៕
