- 2018-07-16 08:24:29
- ប្រដាល់
Pacquiao បើកចិត្តស្វាគមន៍ជានិច្ច ប្រសិន Floyd ចង់វាយជាលើកទីពីរ
- 2018-07-16 08:24:29
- ចំនួនមតិ 0 | ចំនួនចែករំលែក 0
Pacquiao បើកចិត្តស្វាគមន៍ជានិច្ច ប្រសិន Floyd ចង់វាយជាលើកទីពីរ
ចន្លោះមិនឃើញ
ក្រោយដណ្ដើមបានខ្សែក្រវាត់ពី Lucas Matthysse កាលពីម្សិលមិញ Manny Pacquiaoបានសម្ដែងការត្រៀមខ្លួនរួចជាស្រេច ប្រសិន Floyd Mayweather សម្រេចវិលចូលសង្វៀនវិញ ហើយជួបគ្នាជាលើកទី២។
ក្រោយបញ្ចប់ការប្រកួតយកបានខ្សែក្រវាត់ WBA welterweight នៅទីក្រុងកូឡាឡាំពួរ ប្រទេសម៉ាឡេស៊ី Pacquiao ប្រាប់សារព័ត៌មានថា ខណៈខ្លួនត្រៀមចិត្តរួចរាល់ដើម្បីសងសឹក ប៉ុន្តែអ្វីៗសម្រេចលើ Mayweather ដែលបានចូលនិវត្តន៍បាត់ទៅហើយនោះ។
Pacquiao បានទទូចថា Floyd គួរតែត្រលប់ចូលរេញវិញ ហើយគេនឹងមិនស្ទាក់ស្ទើរឡើយសម្រាប់ការពិចារណាវាយជាមួយគ្នាជាលើកទីពីរ។ យ៉ាងណាមិញអ្នកប្រដាល់អាស៊ីវ័យ៣៩ឆ្នាំបញ្ជាក់ថា Mayweather មិនមែនជាមុខសញ្ញាតែម្នាក់ដែលគេចង់វាយនោះទេ នៅមានកីឡាករផ្សេងៗទៀត។
Manny Pacquiao និង Floyd Mayweather ធ្លាប់ប៉ះគ្នាកាលពីឆ្នាំ២០១៥ ដែលជាការប្រកួតរកចំណូលបានយ៉ាងច្រើនប្រចាំប្រវត្តិសាស្ត្រប្រដាល់។ កាលនោះជ័យជម្នះរបស់ Floyd ធ្វើឲ្យអ្នកទស្សនារាប់លានអ្នកមិនពេញចិត្តឡើយ ព្រោះគិតថាអ្នកប្រដាល់អាមេរិករូបនេះគិតតែរត់ពេញរេញ៕
