ត្រូវដឹង! កំណត់ត្រាជិត ១០បានកើតឡើង ក្រោយផ្ដាច់ព្រ័ត្ររវាងក្រូអាតនិងបារាំង

2018-07-16 01:57:42
ប្រវត្តិ

2018-07-16 01:57:42
ចំនួនមតិ 0 | ចំនួនចែករំលែក 0

ចន្លោះមិនឃើញ

បារាំងបានស្គាល់រសជាតិលើកពាន World Cup ជាលើកទីពីរ ក្រោយយកឈ្នះក្រុមខ្លាំងក្រូអាតដោយលទ្ធផល ៤-២។ ការប្រកួតនេះពិតជាធ្វើឲ្យអ្នកទស្សនាសប្បាយភ្នែក ស្រែហ៊ោដោយសារតែមានគ្រាប់បាល់ច្រើន។ ហើយយប់មិញនេះមានកំណត់ត្រាជាច្រើនបានកើតឡើង បន្ទាប់ពីការប្រកួតនេះចប់៖

បារាំងអបអរជយលាភីជើងឯក

Deschamps គឺជាមនុស្សទី៣ដែលឈ្នះពាន World Cup ទាំងជាកីឡាករនិងគ្រូបង្វឹក បន្ទាប់ពីលោក Mario Zagallo (ប្រេស៊ីល) និង Franz Beckenbauer (អាល្លឺម៉ង់)
បារាំងបានក្លាយជាក្រុមដំបូងដែលរកបាន៤គ្រាប់នៅផ្ដាច់ព្រ័ត្រ World Cup ចាប់តាំងពីប្រេស៊ីលឈ្នះអ៊ីតាលី ៤-១ ឆ្នាំ១៩៧០
ក្រូអាតជាក្រុមដំបូងប្រកួតចាញ់ ក្នុងការឡើងមកផ្ដាច់ព្រ័ត្រជាលើកដំបូង បន្ទាប់ពីហូឡង់នៅឆ្នាំ១៩៧៤
Mandzukic ជាកីឡាករដំបូងដែលធ្វើឲ្យចូលទីខ្លួនឯងនៅផ្ដាច់ព្រ័ត្រ WC
Mbappe (វ័យ១៩ឆ្នាំ២០៧ថ្ងៃ) គឺជាកីឡាករយុវជនទី២ដែលអាចរកគ្រាប់បាល់នៅវគ្គផ្ដាច់ព្រ័ត្រ បន្ទាប់ពី Pele ធ្លាប់ធ្វើបានឲ្យប្រេស៊ីលក្នុងឆ្នាំ១៩៥៨ ក្នុងវ័យ១៧ឆ្នាំ២៤៩ថ្ងៃ
Parisic ក្លាយជាកីឡាករទីពីរ ដែលរកគ្រាប់បាល់បាននិងធ្វើឲ្យមានប៉េណាល់ទីខ្លួនឯនៅផ្ដាច់ព្រ័ត្រ WC បន្ទាប់ពី កីឡាករ Marco Materazzi របស់អ៊ីតាលីនៅឆ្នាំ២០០៦
Pogba ក្លាយជាកីឡាករ Manchester United ដំបូងអាចរកគ្រាប់បាល់បាននៅផ្ដាច់ព្រ័ត្រ WC និងជាកីឡាករ Premier League រកគ្រាប់បាននៅវគ្គនេះ បន្ទាប់ពី Emmanuel Petit ក្នុងឆ្នាំ១៩៩៨
គ្រាប់របស់ Pogba សម្រាប់បារាំង គឺជាគ្រាប់ដំបូងដែលទាត់ចេញពីក្រៅប្រអប់ក្នុងវគ្គផ្ដាច់ព្រ័ត្រ World Cup ចាប់តាំងពី Marco Tardelli របស់អ៊ីតាលីធ្លាប់ធ្វើបាននៅឆ្នាំ១៩៨២
Mandzukic គឺជាកីឡាករទី២ក្នុងប្រវត្តិសាស្ត្រ World Cup ដែលអាចរកគ្រាប់បាល់និងធ្វើឲ្យចូលទីខ្លួនឯងក្នុងប្រកួតតែមួយ បន្ទាប់ពីកីឡាករហូឡង់ Ernie Brandts ធ្លាប់ធ្វើបានដូចនេះនៅឆ្នាំ១៩៧៨៕