សាហាវបាត់! Ronaldo ប្រាប់ឱ្យប្រធានក្លឹប Juventus ទិញ Marcelo ម្នាក់ទៀត

2018-07-12 03:00:55
បាល់ទាត់

2018-07-12 03:00:55
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo បានក្លាយជាសមាជិកក្លឹប Juventus ផ្លូវការហើយកាលពីម្សិលមិញនេះ ក្នុងតម្លៃខ្លួនផ្ទេរជាង១០០លានអឺរ៉ូ ប្រាក់ឈ្នួល៥សែនផោន១សប្ដាហ៍ ក្នុងកុងត្រា៤ឆ្នាំ។

ក្រោយពីការចាកចេញនេះដែរ កីឡាករក្រុម Real Madrid ទាំងអស់សុទ្ធតែបង្ហាញសារជូនពរដល់មិត្តរួមក្រុមដែលរួមរស់នៅ Real Madrid អស់រយៈពេល៩ឆ្នាំមកនេះ។ ដោយឡែក គេសង្កេតឃើញថាមានតែ Marcelo ម្នាក់គត់ មិនទាន់មានបង្ហោះអ្វីនោះទេ ដើម្បីជាការលាគ្នា។ ផ្ទុយទៅវិញ ខ្សែការពារស្លាបរូបនេះ បែរជាទៅចុច Like រូបភាពដែល Juventus បង្ហោះពីការទិញយក Ronaldo ទៅវិញ។ បន្ថែមពីលើនេះ កីឡាករប្រេស៊ីល បានចុច Follow គណនីរបស់ក្លឹប Juventus ថែមទៀតផង។ ហេតុនេះ បានបង្កើតជាការសង្ស័យជាច្រើន ថាអាចទេ ដែល Marcelo ទៅតាម Ronaldo ដែរ។

រំលឹកបន្តិចទៅវិញថា កាលពីមានដំណឹងថាដំបូងដែល Ronaldo ចង់ចាកចេញនោះ កីឡាករ Marcelo បាននិយាយថា រូបគេអាចនឹងចាកចេញពីអេស្ប៉ាញដែរ ប្រសិនណាបើ Real Madrid លក់ Ronaldo ចេញ។ ត្បិតអីកីឡាករ២នាក់នេះ ស្រលាញ់គ្នាដូចជាបងប្អូនអីចឹង។

រឿងមួយដែលកាន់តែចាប់អារម្មណ៍ថែមទៀតនៅពេលនេះ ប្រភពនៅអ៊ីតាលី បានបញ្ជាក់ថា Ronaldo ស្នើដល់ប្រធានក្លឹប Juventus លោក Andrea Agnelli ឱ្យទិញ Marcelo ពី Real Madrid ដែរហើយ។ ការស្នើសុំនេះ ធ្វើឡើងនៅពេលដែលលោក Andrea បានទៅជួបចរចាយក Ronaldo ផ្ទាល់ អំឡុងពេលរូបគេលំហែកាយនៅប្រទេសក្រិកឯណោះ។

យ៉ាងណាមិញ Juventus អាចនឹងទិញយកទៀត ប្រសិនណាបើពួកគេលក់ Alex Sandro ចេញបាន។ ដោយពេលនេះ Manchester United កំពុងចរចាតម្លៃខ្លួនហើយ។ បញ្ជាក់ត្រង់នេះបន្តិចថា Marcelo សល់កុងត្រាជាមួយ Real Madrid ដល់ឆ្នាំ២០២២ ដូច Ronaldo ដែរ។ តម្លៃផ្ដាច់កុងត្រារបស់គេ គឺ១៨០លានអឺរ៉ូ៕

ប្រភព៖ Sport English ប្រែសម្រួល៖ មុន្នីរម្យ