- 2018-07-12 02:29:54
- វិភាគ
កំណត់ត្រាគួរឲ្យចាប់អារម្មណ៍ក្រោយប្រកួតរវាងអង់គ្លេស និងក្រូអាត
- 2018-07-12 02:29:54
- ចំនួនមតិ 0 | ចំនួនចែករំលែក 0
កំណត់ត្រាគួរឲ្យចាប់អារម្មណ៍ក្រោយប្រកួតរវាងអង់គ្លេស និងក្រូអាត
ចន្លោះមិនឃើញ
ក្រុមបាល់ទាត់ជម្រើសជាតិអង់គ្លេសបានអស់ឱកាសឡើងទៅវគ្គផ្ដាច់ព្រ័ត្រ World Cup ក្រោយចាញ់ក្រូអាតដោយលទ្ធផល ២ ទល់នឹង១នៅ Extra Time វគ្គពាក់កណ្ដាលផ្ដាច់ព្រ័ត្រកាលពីយប់មិញ។ ក្រោយជំនួបនេះមានកំណត់ត្រាគួរឲ្យចាប់អារម្មណ៍មួយចំនួនបានកើតឡើងដូចជា៖
១. ឡើងវគ្គពាក់កណ្ដាលផ្ដាច់ព្រ័ត្រពានធំៗចំនួន៥លើក តោកំណាចអង់គ្លេសបានធ្លាក់ចេញពីកម្មវិធីចំនួន៤លើក (Euro ឆ្នាំ១៩៦៨ទល់យូហ្គោស្លាវី, World Cup ឆ្នាំ១៩៩០ទល់នឹងអាល្លឺម៉ង់, Euro ឆ្នាំ១៩៩៦ទល់នឹងអាល្លឺម៉ង់ និង World Cup ឆ្នាំ២០១៨នេះទល់នឹងក្រូអាត)។
២. លេង World Cup ៥ដង ក្រុមជម្រើសជាតិក្រូអាតបានសាងប្រវត្តិសាស្ត្រឡើងវគ្គផ្ដាច់ព្រ័ត្រលើកដំបូង។
៣. ចាប់តាំងពីឆ្នាំ២០០០មកអង់គ្លេសបានចាញ់ក្រូអាត៣ដង ច្រើនជាងប៉ះជម្រើសជាតិណាទាំងអស់ដែលពួកគេធ្លាប់ប្រកួតជាមួយ។
៤. គ្រាប់ជ័យជម្នះរបស់ Mario Mandzukic គឺជាការរបូតគ្រាប់ចុងម៉ោងបំផុតរបស់អង់គ្លេសនៅ World Cup (នាទី១០៨ និង៣វិនាទី)។
៥. Kieran Trippier ក្លាយជាកីឡាករដំបូងដែលស៊ុត Free Kick ចូលទីឲ្យអង់គ្លេសនៅ World Cup បន្ទាប់ពី David Beckham ធ្លាប់ធ្វើបានកាលពីឆ្នាំ២០០៦ទល់នឹងអេក្វាឌ័រ។
៦. Ivan Perisic បង្កើតឲ្យមានបាល់១០គ្រាប់នៅពានធំៗឲ្យក្រូអាត ដោយស៊ុតខ្លួនឯង៦គ្រាប់ និងបញ្ជូនឲ្យមិត្តរួមក្រុមស៊ុត៤ដង។
៧. បាល់ចូលទីរបស់អង់គ្លេសដែលស៊ុតដោយ Trippier គឺជាគ្រាប់បាល់លឿនបំផុតនៅ World Cup វគ្គពាក់កណ្ដាលផ្ដាច់ព្រ័ត្រ (៤នាទី និង៤៤វិនាទី) គិតចាប់តាំងពីឆ្នាំ១៩៥៨មក។
៨. ក្រូអាតគឺជាក្រុមដំបូងដែលលេង World Cup ដល់វគ្គថែមម៉ោង Extra Time ចំនួន៣ប្រកួតជាប់គ្នា គិតចាប់ពីឆ្នាំ១៩៩០មក។
៩. អង់គ្លេសរកគ្រាប់ពីបាល់ជ្រុង ឬបាល់ពិន័យ (Set Piece) ចំនួន៩គ្រាប់ ជាកំណត់ត្រាច្រើនបំផុតនៅ World Cup គិតចាប់ពីឆ្នាំ១៩៦៦មក។
១០. World Cup ២០១៨នេះឈានដល់វគ្គ Extra Time ចំនួន៥ដង ក្នុងនោះ២ដងលេងដោយក្រុមអង់គ្លេស (ប៉ះកូឡុំប៊ី និងក្រូអាត) និង៣ដងលេងដោយក្រុមក្រូអាត (ប៉ះដាណឺម៉ាក, ប៉ះរុស្ស៊ី និងប៉ះអង់គ្លេស)ដោយឡែក១គូទៀតគឺ រុស្ស៊ីប៉ះអេស្ប៉ាញ៕