- 2018-07-11 05:00:55
- កីឡាផ្សេងៗ
សហព័ន្ធហាប់គីដូ ចែកសញ្ញាប័ត្រសិស្សឆ្នើម ៣៥នាក់ និងប្រលងដំឡើងខ្សែក្រវាត់ថ្មី
- 2018-07-11 05:00:55
- ចំនួនមតិ 0 | ចំនួនចែករំលែក 0
សហព័ន្ធហាប់គីដូ ចែកសញ្ញាប័ត្រសិស្សឆ្នើម ៣៥នាក់ និងប្រលងដំឡើងខ្សែក្រវាត់ថ្មី
ចន្លោះមិនឃើញ
សហព័ន្ធខ្មែរកីឡាហាប់គីដូ ធ្វើពិធីប្រគល់សញ្ញាប័ត្រ និងប្រលងដំឡើងខ្សែក្រវាត់ដល់សិស្សគុនឆ្នើម ៣៥នាក់ នាល្ងាចម្សិលមិញនេះនៅសាលហ្វឹកហាត់ដំបូលអគារសូហ្វតេនីសក្នុងពហុកីឡដ្ឋានជាតិ។
លោក គង់ ចាន់ធីណា អគ្គលេខាធិការសហព័ន្ធខ្មែរកីឡាហាប់គីដូ បានឲ្យដឹងថា នាល្ងាចម្សិលមិញនេះ សហព័ន្ធបានធ្វើពិធីប្រគល់សញ្ញាប័ត្រដល់សិស្សឆ្នើម និងប្រលងដំឡើងខ្សែក្រវាត់ចំនួន៤ពណ៌បន្ថែមទៀតទៅដល់ពួកគេ។
ការដំឡើងក៏ដូចជាប្រគល់សញ្ញាប័ត្រនេះដែរ ដោយមើលឃើញពីភាពរីកចម្រើនសមត្ថភាពក្នុងហ្វឹកហាត់ និងការខំប្រឹងប្រែងប្រកាន់ភ្ជាប់ទៅនិងវិន័យគោរពគោលការហ្វឹកហាត់ផងនោះ ទើបសហព័ន្ធសម្រេចធ្វើពិធីនេះឡើង។ កម្មវិធីនេះក៏ជាការលើកទឹកចិត្តរបស់សហព័ន្ធផ្ទាល់ទៅដល់សិស្សគុនកីឡាហាប់គីដូ ផងដែរ។
ពិធីប្រគល់សញ្ញាប័ត្រ និងប្រលងដំឡើងខ្សែក្រវាត់នេះធ្វើឡើងនៅល្ងាចថ្ងៃទី១០ ខែកក្កដា ឆ្នាំ២០១៨ នៅសាលហ្វឹកហាត់ដំបូលអាគារសូហ្វតេនីស ដែលមានក្លឹបចំនួន៣ មកចូលរួមប្រលង។ ទី១ ក្លឹបឥន្ទ្រី ទី២ ក្លឹប Master សេង និងទី៣ ក្លឹបអូឡាំពិក ដែលសរុបទាំងអស់៣៥នាក់ផងដែរ៕