- 2018-07-12 10:55:18
- បាល់ទាត់
ឆ្ងល់អត់ គ្រូបែលហ្សិកប្រើភាសាអី ពេលនិយាយទាក់ទងជាមួយកីឡាករក្រុមជម្រើសជាតិ?
- 2018-07-12 10:55:18
- ចំនួនមតិ 0 | ចំនួនចែករំលែក 0
ឆ្ងល់អត់ គ្រូបែលហ្សិកប្រើភាសាអី ពេលនិយាយទាក់ទងជាមួយកីឡាករក្រុមជម្រើសជាតិ?
ចន្លោះមិនឃើញ
ភាសាជាតិច្រើនត្រូវបានប្រើប្រាស់សម្រាប់ក្រុមជម្រើសជាតិមួយចំនួន។ ឧទាហរណ៍គ្រូបង្វឹក និងកីឡាករជម្រើសជាតិអង់គ្លេស ភាគច្រើនប្រើភាសាអង់គ្លេសទាក់ទងគ្នាជាដើម។
យ៉ាងនេះក្ដី វាមានភាពលំបាកបន្តិចសម្រាប់ក្រុមជម្រើសជាតិបែលហ្សិក ដែលមានភាសាផ្លូវការដល់ទៅបី រួមមាន Flemish (ភាសាតំបន់របស់ហុល្លង់) បារាំង និងអាល្លឺម៉ង់។ ដោយលោកគ្រូបង្វឹកក្រុមជម្រើសជាតិបែលហ្សិក Robert Martinez ដែលមានសញ្ជាតិអេស្ប៉ាញ មិនចេះនិយាយភាសាទាំងបីខាងលើ តើលោកប្រើភាសាអីដើម្បីទាក់ទងនិយាយជាមួយកូនក្រុមលោក? អត្ថបទនឹងឆ្លើយសំណួរនេះ។
បើតាមបទសម្ភាសន៍កាលពីពេលកន្លងទៅ អតីតអ្នកចាត់ការ Evertonលោក Martinez បាននិយាយថា ខ្លួនប្រើប្រាស់ភាសាអង់គ្លេស ដើម្បីហៅ និងទាក់ទងកីឡាករក្រុមជម្រើសជាតិបែលហ្សិក។
យ៉ាងនេះក្ដី ក្នុងកិច្ចសម្ភាសន៍មួយទៀតកាលពីពេលថ្មីៗ លោកថា "ក៏មានភាសាមួយចំនួនទៀត" ប្រើប្រាស់ដើម្បីសម្រួលដល់ការទំនាក់ទំនងរវាងកីឡាករ និងគ្រូបង្វឹក។ លើសពីនេះ លោកថែមទាំងបោះពាក្យថា លោកតែងប្រើប្រាស់ “ភាសាបាល់ទាត់” ដើម្បីនិយាយទៅកូនក្រុមលោក៕