- 2018-07-04 11:48:46
- បាល់ទាត់
អុញ! Depay អត់មកហាត់បាល់ជាមួយ Lyon
- 2018-07-04 11:48:46
- ចំនួនមតិ 0 | ចំនួនចែករំលែក 0
អុញ! Depay អត់មកហាត់បាល់ជាមួយ Lyon
ចន្លោះមិនឃើញ
អនាគតរបស់ខ្សែស្លាប Memphis Depay នៅ Lyon កំពុងស្ថិតក្នុងភាពមិនច្បាស់លាស់ បន្ទាប់ពីកីឡាករមិនបានបង្ហាញមុខក្នុងការហ្វឹកហាត់ Pre-Season លើកដំបូងរបស់ Lyon។
កីឡាករមិនបានជូនដំណឹងដល់អ្នកចាត់ការក្លឹបបារាំង លោក Bruno Genesio ឡើយ។
ក្នុងសន្និសីទសារព័ត៌មានក្នុងថ្ងៃនេះ លោក Genesio បាននិយាយ៖ "ខ្ញុំសប្បាយចិត្តដែលបានឃើញក្រុមកីឡាករ Lyon ជាថ្មីម្ដងទៀត។ ក្នុងចំណោមកីឡាករសរុប ២៧ រូប មានម្នាក់អវត្តមាន។ ម្នាក់នោះ គឺ Memphis Depay។ គេនឹងត្រូវទទួលរងការផាកពិន័យ ពេលគេត្រលប់មកវិញ។ គេត្រូវដឹងថា វិស្សមកាលរបស់កីឡាករគឺមានរយៈពេលតែ ៥ សប្ដាហ៍"។
រហូតមកទល់ពេលនេះ មិនទាន់របាយការណ៍ណាមួយបញ្ជាក់ពីមូលហេតុនៃអវត្តមានរបស់កីឡាករនេះនៅឡើយទេ។ កាលពីពេលកន្លងទៅ មានពាក្យចចាមអារ៉ាមមួយចំនួនបង្ហើរថា AC Milan កំពុងតាមទិញខ្សែស្លាប Depay។
Depay បានចាកចេញពី Manchester United មកចូលរួមជាមួយ Lyon កាលពីខែមករា ឆ្នាំ២០១៧។ ក្នុងរដូវកាល ២០១៧/១៨ កីឡាករបានបង្ហាញទម្រង់លេងបានល្អ ដោយបានស៊ុតចូល ២២ គ្រាប់ ក្នុងការបង្ហាញខ្លួនសរុប ៥១ លើកឲ្យក្លឹប៕