- 2018-07-01 04:21:42
- ប្រវត្តិ
២គ្រាប់ចាក់បេះដូងអាហ្សង់ទីនរបស់ Mbappé តាមទាន់កំណត់ត្រា ៦០ឆ្នាំរបស់ Pele
- 2018-07-01 04:21:42
- ចំនួនមតិ 0 | ចំនួនចែករំលែក 0
២គ្រាប់ចាក់បេះដូងអាហ្សង់ទីនរបស់ Mbappé តាមទាន់កំណត់ត្រា ៦០ឆ្នាំរបស់ Pele
ចន្លោះមិនឃើញ
ក្រុមបាល់ទាត់ជម្រើសជាតិបារាំងបានយកឈ្នះអាហ្សង់ទីនដោយលទ្ធផលដ៏តានតឹង ៤ទល់នឹង៣ក្នុងការប្រកួត World Cup វគ្គ១៦ក្រុមចុងក្រោយកាលពីយប់មិញ។
នៅ៦០នាទីដំបូងក្រុមទាំងពីរស្មើគ្នា ២ទល់នឹង២ប៉ុណ្ណោះប៉ុន្តែតារាឆ្នើម Kylian Mbappe បានកែប្រែស្ថានភាពបន្ទាប់ពីក្លាយជាពេជ្ឈឃាដស៊ុតបញ្ចូលទី២គ្រាប់ម្នាក់ឯងនៅនាទី៦៤ និង៦៨ធ្វើឲ្យអាហ្សង់ទីនងើបមុខលេងរួច។
គ្រាប់បាល់របស់ Mbappe មិនត្រឹមជួយបារាំងឡើងវគ្គ៨ក្រុមចុងក្រោយប៉ះអ៊ុយរ៉ាហ្គាយប៉ុណ្ណោះទេ ថែមទាំងឲ្យរូបគេតាមទាន់កំណត់ត្រាអាយុកាល៦០ឆ្នាំរបស់ Pele ទៀតផង។ នៅក្នុងឆ្នាំ១៩៥៨ វីរបុរសប្រេស៊ីលរូបនេះបានស៊ុតបញ្ចូលទី២គ្រាប់តែឯងទល់ស៊ុយអែត ធ្វើឲ្យលោកក្លាយជាកីឡាករវ័យក្មេងទីមួយដែលរកបានលើសពី១គ្រាប់នៅ World Cup។
ទោះជាកាលណោះ Pele មានវ័យក្មេងជាងបន្តិច (១៧ឆ្នាំ និង៨ខែ) តែ Mbappé ដែលអាយុ១៩ឆ្នាំ និង៦ខែ បានតាមស្មើកំណត់ត្រានេះ ក្លាយជាកីឡាករវ័យក្មេងទីពីរដែលស៊ុតបាន២គ្រាប់នៅ World Cup ក្នុង១ប្រកួត៕