- 2018-06-26 02:15:27
- បាល់ទះ
វិសាខា មានកម្លាំងសំខាន់ទើបចូលក្រុម ដែលមកពីមហាផ្ទៃ
- 2018-06-26 02:15:27
- ចំនួនមតិ 0 | ចំនួនចែករំលែក 0
វិសាខា មានកម្លាំងសំខាន់ទើបចូលក្រុម ដែលមកពីមហាផ្ទៃ
ចន្លោះមិនឃើញ
លោក សាន សុក្រិត គ្រូបង្វឹកក្រុមបាល់ទះវិសាខា ជឿជាក់ថា អតីតតារាឆ្នើមរបស់ក្លឹបក្រសួងមហាផ្ទៃ គួន មុំ ដែលទើបចូលមកកាន់ក្លឹបរបស់ខ្លួន នឹងអាចជួយក្រុមបានច្រើន សម្រាប់ការប្រកួតព្រឹត្តិការណ៍កម្រិត A នៅថៃ ដែលគ្រោងចាប់ផ្ដើមថ្ងៃទី២៧ ខែមិថុនា ដល់ថ្ងៃទីទី១ ខែកក្កដា ឆ្នាំ២០១៨។
គ្រូបង្វឹករូបនេះបានឲ្យដឹងថា គួន មុំ មកវិសាខាអាចជួយក្រុមបានច្រើន កម្ពស់ក៏ខ្ពស់ងាយស្រួលបាំង សមត្ថភាពវៃផ្ដាច់ក៏ល្អ។ ពិសេសកីឡាកររូបនេះអាចទទួលសេវាពីដៃគូបានល្អជាង កីឡាករ ម៉ី រស្មី របស់ខ្លួន ដូច្នេះប្រសិនបើនៅពេលកំពុងប្រកួតមានបញ្ហានៅចំណុចនេះលោក នឹងដាក់ គួន មុំ ចូលជំនួស ម៉ី រស្មី ភ្លាម។
មួយទៀត គួន មុំ ជាទំពាំងស្នងឫស្សីមួយរូបរបស់កម្ពុជាផ្នែកបាល់ទះ ដោយសារកីឡាកររូបនេះនៅក្មេងទើប ១៩ ឆ្នាំ អាចមានពេលវេលាច្រើនក្នុងបណ្ដុះបណ្ដាលគេបន្ថែមទៀត។ លោកជឿថា កីឡាករចំណូលថ្មីមួយរូបនេះ នឹងមិនបង្កបញ្ហាដល់ក្រុមឡើយ ដោយសាររូបគេធ្លាប់លេងនៅក្លឹបចាស់ មហាផ្ទៃ ច្រើនគួរសម។
ក្រុមវិសាខានៅពូល A ជាមួយក្រុម Army របស់ថៃ និង Rachanavi របស់ថៃ ដែលគ្រោងប៉ះ Army ថ្ងៃទី២៨ ខែមិថុនា ហើយប៉ះក្រុម Rachanavi ថ្ងៃទី២៩ ខែមិថុនា ឆ្នាំ២០១៨។ ចំណែកពូល A គឺមាន Air Force , Saruburi និង Fiji (មកពីអូស្ត្រាលី) ។
ក្រុមនៅតាមពូលនីមួយៗ នឹងធ្វើការប្រកួត ដើម្បីសន្សំពិន្ទុឡើងទៅវគ្គ ៤ ក្រុមចុងក្រោយ ដែលមួយពូលមាន ២ ក្រុមបានឡើងទៅវគ្គបន្តគឺលេខ ១ និងលេខ ២។ ក្រុមលេខ ១នៅពូល A ប៉ះលេខ ២ មកពីពូល B ស្របពេលក្រុមលេខ ២ ពូល A ជួបក្រុមលេខ ១ ពូល B នៅវគ្គ ៤ ក្រុមចុងក្រោយ។ ចំណែកក្រុមលេខ ៣ នៅតាមពូលនីមួយៗ នឹងធ្វើការប្រកួតគ្នាបន្តទៀត ដើម្បីដណ្ដើមចំណាត់ថ្នាក់លេខ៥ ៕
