- 2018-06-26 03:47:24
- ព័ត៌មាន
ថ្ងៃនេះកីឡាការិនីខ្មែរឆ្នើមនៅកូរ៉េ ស្រួង ភាវី មកកម្ពុជាចូលរួមសន្តិបាតសហព័ន្ធស្នូកឃ័រ
- 2018-06-26 03:47:24
- ចំនួនមតិ 0 | ចំនួនចែករំលែក 0
ថ្ងៃនេះកីឡាការិនីខ្មែរឆ្នើមនៅកូរ៉េ ស្រួង ភាវី មកកម្ពុជាចូលរួមសន្តិបាតសហព័ន្ធស្នូកឃ័រ
ចន្លោះមិនឃើញ
កីឡាការិនីស្នូកឃ័រកម្ពុជាដ៏ឆ្នើមនៅប្រទេសកូរ៉េ ស្រួង ភាវីនឹងធ្វើដំណើរមកប្រទេសកំណើតនាសប្តាហ៍ក្រោយនេះដើម្បីចូលរួមអបអរសាទរនិងទទួលតួនាទីក្នុងសហព័ន្ធកីឡាប៊ីយ៉ា និងស្នូកឃ័រកម្ពុជាដែលនឹងប្រកាសសុពលភាពអាណត្តិទី១នាពេលដ៏ខ្លីខាងមុខនេះ។
ស្រួង ភាវី បានប្រាប់ពីប្រទេសកូរ៉េថា នឹងធ្វើដំណើរមកប្រទេសកម្ពុជាថ្ងៃទី ខែ ឆ្នាំ២០១៨ខាងមុខនេះដើម្បីចូលរួមក្នុងពិធីប្រកាសសុពលភាពអាណត្តិទី១នៃសហព័ន្ធកីឡាប៊ីយ៉ា និងស្នូកឃ័រកម្ពុជាដែលត្រូវបានបង្កើតឡើងស្របពេលដែលកីឡាប្រភេទនេះកំពុងរីកចម្រើន។ ការបង្កើតសហព័ន្ធនេះឡើងដើម្បីឲ្យកីឡាករ កីឡាការិនីមានសិទ្ធិជាសកលក្នុងការចូលរួមប្រកួតកីឡាប៊ីយ៉ា និងស្នូកឃ័រលើឆាកអន្តរជាតិ។
ជាក់ស្តែងកីឡាការិនី ស្រួង ភាវី ជាកីឡាការិនីខ្មែរទី១ដែលកំពុងល្បីល្បាញនៅប្រទេសកូរ៉េខាងត្បូង និងបណ្តាលប្រទេសផ្សេងៗ។ កីឡាការិនីដែលមានដើមកំណើតនៅខេត្តត្បូងឃ្មុំរូបនេះឈ្នះបានពានរង្វាន់ជាច្រើនក្នុងរយៈពេលប៉ុន្មានចុងក្រោយនេះ។
សមាជិកប្រតិបត្តិសហព័ន្ធកីឡាប៊ីយ៉ា និងស្នូកឃ័រកម្ពុជាមាន លោក ជុំ កុសល ជាប្រធាន លោកបណ្ឌិត ឌួង លាង ប្រធានស្ដីទី លោកឧកញ៉ា សៅ វល័ក្ខណ៍ អនុប្រធាន លោក មួន ម៉ារ៉ា អគ្គលេខាធិការ លោក សុខ ទី អគ្គហិរញ្ញិក លោក យឺន ពន្លក អគ្គលេខាធិការរង លោកមេធាវី ភិន ឈុនទៀង ទីប្រឹក្សាច្បាប់ លោកស្រី ស្រួង ភាវី ជាសមាជិក លោក ឆាយ បញ្ញា ជាសមាជិក លោក នួន រតនៈ ជាសមាជិក លោក ជា វ៉ាន់សាន្ត ជាសមាជិក លោក សែម សុវ័ន ជាសមាជិក លោក ភួង សំអុន ជាសមាជិក