តាមប្រវត្តិជប៉ុន មិនដែលឈ្នះក្រុមនៅអាមេរិកខាងត្បូងម្ដងណាសោះនៅ WC

2018-06-19 08:55:12
បាល់ទាត់

2018-06-19 08:55:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ជម្រើសជាតិជប៉ុនត្រូវមានភារកិច្ចធំនៅយប់ម៉ោង៧នេះក្នុងប្រកួតដំបូង ត្រូវប៉ះជើងខ្លាំងមកពីអាមេរិកខាងត្បូងកូឡុំប៊ី ដើម្បីដើម្បីបាន៣ពិន្ទុដ៏សំខាន់។ ដូច្នេះមកដឹងរឿងរបស់ក្រុមទាំងពីរ៖

ព័ត៌មានជុំវិញក្រុមទាំងពីរ

កូឡុំប៊ីនឹងសម្រេចចុងក្រោយលើបញ្ហាកាយសម្បទារបស់ James Rodriguez ក្រោយមានការព្យាបាលរបួសសាច់ដុំ
ខ្សែការពារឆ្វេងរបស់ កូឡុំប៊ី Frank Fabra បានដកខ្លួនចេញពី World Cup បន្ទាប់ពីមានរបួសជង្គង់កាលពីពីដើមខែនេះ
ខ្សែប្រយុទ្ធជប៉ុន Shinji Okazaki កំពុងព្យាបាលរបួសកំភួនជើងដែលកើតឡើងកាលពីពេលថ្មីៗ
Yoshinori Muto របស់ក្លឹប Mainz ឬ Yuya Osako របស់ក្លឹប Werder Bremen ត្រូវជំនួសតំណែងOkazaki
គ្រូជប៉ុន Akira Nishino មិនជ្រើសរើសឲ្យ Keisuke Honda ជាប់១១នាក់ដំបូងឡើយ ដោយសារធ្លាក់ជើងស៊ុត

ប្រវត្តិជួបគ្នា

កូឡុំប៊ី លេងជាមួយជប៉ុន៣ដងមិនដែលស្គាល់ជាតិចាញ់ទេ ពោលឈ្នះ២ ស្មើ១
ក្រុមទាំងពីរជួបគ្នាចុងក្រោយនៅ World Cup ឆ្នាំ ២០១៤ ក្នុងពូល ពេលនោះ កូឡុំប៊ីឈ្នះ ៤-១

រឿងរ៉ាវទាក់ទងនឹងកូឡុំប៊ី

ក្នុងវគ្គជម្រុះឡើងមកប្រទេសរុស្សី កូឡុំប៊ីរកបាន២១គ្រាប់ ក្នុង១៨ប្រកួត។ មានតែកីឡាករ៣នាក់ប៉ុណ្ណោះដែលរកគ្រាប់បានច្រើនជាងគេគឺ James Rodriguez (៦គ្រាប់), Carlos Bacca (៣គ្រាប់) និងFalcao (២គ្រាប់)
១៨ប្រកួតរបស់ពួកគេនៅ World Cup តែងតែបញ្ចប់ដោយមានគ្រាប់បាល់
World Cup២០១៤ កូឡុំប៊ីរកបាន១២គ្រាប់ ក្នុង៥ប្រកួត ខណៈ Juan Cuadrado ជាអ្នក Assist បានច្រើនជាងគេ៤គ្រាប់។

រឿងរ៉ាវទាក់ទងនឹងជប៉ុន

ក្រុមរហស្សនាមសាមូរ៉ៃខៀវមិនដែលឈ្នះក្រុមមកពីអាមេរិកខាងត្បូងម្ដងណាទេនៅ World Cup ពោលស្មើ១ ចាញ់៣
៥ប្រកួតចុងក្រោយនៅ World Cup ជប៉ុនឈ្នះម្ដងគត់សម្រាប់ការប្រកួតបើកឆាកប្រកួតដំបូង ក្នុងនោះឈ្នះកាមេរ៉ូន ១-០ ឆ្នាំ២០១០
ប្រកួតកម្ដៅសាច់ដុំចុងក្រោយ ជប៉ុនយកឈ្នះប៉ារ៉ាហ្គាយ ៤-២ តែនេះគឺជាជ័យជម្នះតែម្ដងគត់ក្នុង៥ប្រកួតរយៈពេល១ឆ្នាំ។ ពួកគេស្មើម៉ាលី និងចាញ់អ៊ុយក្រែន ហ្គាណា និងស្វីស
១៤ប្រកួតចុងក្រោយនៅជម្រើសជាតិ Honda រកមិនបាន១គ្រាប់សោះ។

១១នាក់កូឡុំប៊ី