- 2018-06-19 03:30:54
- បាល់ទាត់
ណាហ្គាវើល ត្រលប់មកកំពូលតារាងលីគកម្ពុជាវិញ ក្រោយឈ្នះវេស្ទើន ១០-១
- 2018-06-19 03:30:54
- ចំនួនមតិ 0 | ចំនួនចែករំលែក 0
ណាហ្គាវើល ត្រលប់មកកំពូលតារាងលីគកម្ពុជាវិញ ក្រោយឈ្នះវេស្ទើន ១០-១
ចន្លោះមិនឃើញ
ក្រុមណាហ្គាវើលបានត្រលប់មកគ្រងតំណែងកំពូលតារាងលីគកម្ពុជាវិញហើយ បន្ទាប់ពីយកឈ្នះលើក្រុមវេស្ទើន ១០-១ ស្របពេលបឹងកេតបានត្រឹមស្មើ វិសាខា ១-១។
ណាហ្គាវើល បានស៊ីក្រុមវេស្ទើនច្រើនមែនទែន រហូតដល់១០គ្រាប់ឯណោះក្នុងការប្រកួតលីគកំពូលកម្ពុជាសប្ដាហ៍ទី១០កន្លងទៅ។ ក្រុមរបស់លោកមាស ចាន់ណា ធ្វើបានល្អនេះ គឺបានធ្វើឱ្យពួកគេឡើងទៅឈរកំពូលតារាងលីគវិញហើយ បន្ទាប់ពីក្រុមបឹងកេត លេងបានត្រឹមស្មើវិសាខា ១-១ ទទួលបានត្រឹម១ពិន្ទុបន្ថែមប៉ុណ្ណោះ។ សរុបមក ណាហ្គាវើល មាន២៥ពិន្ទុ ឈរលេខ១ ខណៈដែលក្រុមបឹងកេត ឈរលេខ២ មានត្រឹម២៤ពិន្ទុ។
ការប្រកួតនៅជើងទី១នៃលីគកំពូលកម្ពុជា នៅសល់១ប្រកួតទៀតប៉ុណ្ណោះ ស្របពេលដែល១ប្រកួតនោះ គឺក្រុមកំពូលតារាងណាហ្គាវើល ប៉ះជាមួយក្រុមលេខ២ បឹងកេត តែម្ដងនៅថ្ងៃអាទិត្យចុងសប្ដាហ៍នេះ វេលាម៉ោង៦ល្ងាច នៅពហុកីឡដ្ឋានជាតិ។ ចប់ជុំទី១នេះទៅ រដូវកាលដោះដូរកីឡាករក៏ចូលមកដល់ (ពីថ្ងៃ១៥ដល់២៩មិថុនាឆ្នាំ២០១៨) ហើយក្លឹបទាំងអស់ក្នុងលីគមានសិទ្ធទិញកីឡាករថ្មីចូល ខ្មែរ៣នាក់និងបរទេស៣នាក់។ ក្រោយចុះបញ្ជីរួចរាល់ កីឡាករថ្មីដែលទិញចូល អាចបង្ហាញខ្លួនបាននៅជើងទី២លីគកម្ពុជា៕