- 2018-06-16 09:53:45
- ព័ត៌មាន
អ្នកសារព័ត៌មានទាំងអស់តម្រូវឲ្យសួរ Griezmann ជាភាសាបារាំងមុន World Cup ដើម្បីបញ្ចៀសបញ្ហាមួយ (វីដេអូ)
- 2018-06-16 09:53:45
- ចំនួនមតិ 0 | ចំនួនចែករំលែក 0
អ្នកសារព័ត៌មានទាំងអស់តម្រូវឲ្យសួរ Griezmann ជាភាសាបារាំងមុន World Cup ដើម្បីបញ្ចៀសបញ្ហាមួយ (វីដេអូ)
ចន្លោះមិនឃើញ
នៅក្នុងសន្និសីទកាសែតមុនពេលដែលបារាំងត្រូវប្រកួតបើកឆាកទល់នឹងអូស្រ្តាលី អ្នកសារព័ត៌មានទាំងអស់តម្រូវឲ្យសួរ Griezmann ជាភាសាបារាំងដើម្បីចៀសវាងសំណួរអំពីអនាគតរបស់កីឡាករសញ្ជាតិបារាំងនៅ Atletico Madrid ។
ក៏ប៉ុន្តែអ្នកសារព័ត៌មានរបស់អេស្ប៉ាញលោក Pedro Morata បានប្រើកម្មវិធីបកប្រែនៅលើទូរស័ព្ទ ប្រែពីភាសាអេស្ប៉ាញទៅភាសាបារាំង។ គ្រាន់តែកាន់មីក្រូភ្លាម អ្នកសម្របសម្រួលសួរអ្នកសារព័ត៌មានភ្លែតថានិយាយភាសាបារាំងអត់?
មិនចាំយូរលោក Pedro Morata ងក់ក្បាលផងឆ្លើយជាភាសាបារាំងផង ដាក់មីក្រូជិត speaker ទូរស័ព្ទ រួចលើកមីក្រូជាសញ្ញាប្រាប់ Griezmann ថាលោកនឹងឲ្យទូរស័ព្ទលោកនិយាយជាភាសាបារាំងសួរខ្សែប្រយុទ្ធរូបនោះ។
ទូរស័ព្ទរបស់អ្នកសារព័ត៌មានអេស្ប៉ាញចាប់ផ្តើមសួរជាភាសាបារាំងទៅកាន់ខ្សែប្រយុទ្ធរបស់ក្រុមមាន់គកបារាំងថា "ខ្ញុំចង់សួរអ្នកថាតើអ្នកបានសម្រេចចិត្តរួចហើយឬនៅថាបន្តជាមួយ Atletico Madrid ឬ នឹងចាកចេញទៅកាន់ Barcelona?”។ តែត្រូវអ្នកសម្របសម្រួលកាត់ មិនឲ្យ Griezmannឆ្លើយសំនួរនោះ ចង្អុលឲ្យអ្នកផ្សេងសួរម្តង ខណៈ Griezmann បានត្រឹមសើច ព្រោះអស់សំណើចនឹងល្បិចរបស់អ្នកសារព័ត៌មានសម័យថ្មី។
សូមទស្សនាវីដេអូខាងក្រោម៖
