- 2018-06-15 02:51:01
- ប្រដាល់
វ៉ៃថ្ងៃអាទិត្យនេះ ធឿន ធារ៉ា ហ្វឹកហាត់ត្រៀមបានជិត១ខែ
- 2018-06-15 02:51:01
- ចំនួនមតិ 0 | ចំនួនចែករំលែក 0
វ៉ៃថ្ងៃអាទិត្យនេះ ធឿន ធារ៉ា ហ្វឹកហាត់ត្រៀមបានជិត១ខែ
ចន្លោះមិនឃើញ
អ្នកប្រដាល់មកពីខេត្តព្រៃវែង ធឿន ធារ៉ា ថាសម្រាប់ការប្រកួតជួបជើងខ្លាំងថៃ នាថ្ងៃអាទិត្យ ចុងសប្ដាហ៍នេះ បានត្រៀមដល់ទៅជិត១ខែ ប៉ុន្តែមិនទាន់ហ៊ានសង្ឃឹមឈ្នះច្រើនណាស់ណាទេ ព្រោះប៉ះគេល្អដែរ។
ធឿន ធារ៉ា បានឲ្យដឹងថា ជំនួបមិត្តភាពថ្ងៃអាទិត្យនេះ រូបគេត្រៀមបានរួចរាល់ហើយ ទាំងការហ្វឹកហាត់ ក៏ដូចជាការហូបចុកជាដើម។ បើគិតមកពេលនេះ ការហ្វឹកហាត់ត្រៀមនេះប្រហែលជិតមួយខែផងដែរ។
អ្នកប្រដាល់ដើមកំណើតពីខេត្តព្រៃវែងខាងលើនេះបន្ថែមថា Chai Shou Sor Khamsing ថៃម្នាក់នេះគេល្អគ្រប់ស្នៀត ហើយបើតាមការមើលវីដេអូប្រកួតកន្លងមកនោះ គឺអ្នកប្រដាល់រូបនេះទាត់ធ្ងន់ និងចូលវ៉ៃជង្គង់បានល្អ។ កីឡាកររបស់កម្ពុជាខាងលើ មិនទាន់ហ៊ានសង្ឃឹមច្រើនថាទទួលបានជ័យជម្នះលើថៃឡើយ ព្រោះគេក៏ខ្លាំងដែរ ប៉ុន្តែតាមការហ្វឹកហាត់ និងកែងដ៏ល្អរបស់ខ្លួន អាចថានឹងធ្វើបានល្អនៅពេលនោះ។
ធឿន ធារ៉ា ជាកីឡាករមកពីក្លឹបប្រដាល់ក្រសួងកសិកម្ម និងជាកីឡាករជម្រើសរើសជាតិកម្ពុជាផងដែរ គេនឹងត្រូវស្វាគមន៍ថៃ Chai Shou Sor Khamsing នៅសង្វៀន CNC ថ្ងៃអាទិត្យ ទី១៧ ខែមិថុនា ២០១៨ វេលាម៉ោង ១១ព្រឹកតទៅ៕
ស្តាប់ការលើកឡើងរបស់ ធឿន ធារ៉ា
