- 2018-06-13 23:40:00
- ប្រដាល់
តាមពិត សុខ រិទ្ធ ជាម្ចាស់ខ្សែក្រវាត់ទម្ងន់ស្រាលម្នាក់ នៅប្រទេសថៃពីមុន
- 2018-06-13 23:40:00
- ចំនួនមតិ 0 | ចំនួនចែករំលែក 0
តាមពិត សុខ រិទ្ធ ជាម្ចាស់ខ្សែក្រវាត់ទម្ងន់ស្រាលម្នាក់ នៅប្រទេសថៃពីមុន
ចន្លោះមិនឃើញ
អ្នកប្រដាល់មកពីខេត្តបន្ទាយមានជ័យ សុខ រិទ្ធ ពីមុនធ្លាប់ឈ្នះខ្សែក្រវាត់១គ្រឿងនៅប្រទេសថៃ ខណៈកេរ្តិ៍ឈ្មោះល្បីខ្លាំងនៅសង្វៀនភ្នាល់លុយធំៗតាមបណ្ដាលខេត្តអំឡុង ៣-៤ឆ្នាំមុននេះ ល្បីមុនកាកា ទៅទៀត។
សុខ រិទ្ធ បានឲ្យដឹងថា អំឡុងប៉ុន្មានឆ្នាំមុននេះ រូបគេមានកេរ្តិ៍ឈ្មោះខ្លាំងនៅតាមសង្វៀនភ្នាល់លុយធំៗតាមខេត្តប្រទេសថៃ ដោយសារតែខ្លួនឡើងវ៉ៃបានល្អ ហើយគេអ្នកលេងលុយចូលចិត្តភ្នាល់ឈ្នះ និងអ្នកទស្សនាក៏ចូលចិត្តមើលផងដែរ។ តាមរយៈកេរ្តិ៍ឈ្មោះ និងសមត្ថភាពល្អ ទើបគេមានឱកាសក្លាយជាគូឯក និងបានលេងខ្សែក្រវាត់ទម្ងន់ស្រាលចំនួន៣ដង ហើយឈ្នះខ្សែក្រវាត់គ្រឿងទៀតផង។
អ្នកប្រដាល់វ័យ២១ឆ្នាំខាងលើបន្តថា ពីមុនគេល្បីជាងប្អូនប្រុស សុខ ធី ឬ កាកា ទៅទៀត នៅតាមបណ្ដាខេត្តរហូតមានសារព័ត៌មានថៃចុះទៅថតផ្ទាល់ពេលហ្វឹកហាត់ និងមានផ្សាយពីជ័យជម្នះរបស់គេជាហូរហែផងដែរ។ មួយរយៈចុងក្រោយនេះ កាកា គេមានទម្ងន់ធ្ងន់ជាង ដូច្នេះគេក៏ឆាប់ល្បីលឿន ណាមួយ ភាគច្រើនឡើងវ៉ៃតាមទូរទស្សន៍(ប៉ុស្តិ៍លេខ៧ថៃ)ផង ទើបបច្ចុប្បន្នគេមានល្បីនៅឯថៃ។
ចំណែកលោក សុខ ញ៉ិល ដែលជាឪពុករបស់ សុខ រិទ្ធ បានឲ្យដឹងស្រដៀងនេះដែរថា ពីមុនកូនរបស់លោកម្នាក់នេះល្បីជាង កាកា ទៅទៀត ព្រោះគេមានខ្សែក្រវាត់ផ្ទាល់ខ្លួនគេមួយ ខណៈការឡើងសង្វៀនប៉ះសុទ្ធតែជើងខ្លាំងលំដាប់ប្រទេសថៃទៀតផង។
រំលឹកដែរថា សុខ រិទ្ធ ជាអ្នកប្រដាល់មកពីខេត្តបន្ទាយមានជ័យ ពីតូចគេទៅហ្វឹកហាត់ និងប្រកួតនៅឯប្រទេសថៃជាយូរមកហើយ។ បច្ចុប្បន្ននេះគេជាកូនសិស្សលោកគ្រូ សាន់ សាយយ៉ាន់ នៅឯក្លឹបប្រដាល់សាយយ៉ាន់នាគា៕
