- 2018-06-12 12:12:25
- បាល់ទាត់
លេងម៉ាកអស់ស្ទះ! បីប្រកួតចុងក្រោយ Lukaku លេងពាក់ស្បែកជើងបីម៉ាកខុសគ្នាតែម្ដង
- 2018-06-12 12:12:25
- ចំនួនមតិ 0 | ចំនួនចែករំលែក 0
លេងម៉ាកអស់ស្ទះ! បីប្រកួតចុងក្រោយ Lukaku លេងពាក់ស្បែកជើងបីម៉ាកខុសគ្នាតែម្ដង
ចន្លោះមិនឃើញ
ខុសប្លែកពីកីឡាករបាល់ទាត់ល្បីៗភាគច្រើន ដែលត្រូវបានប្រទះឃើញថាពាក់ស្បែកជើងម៉ាកតែមួយនាពេលប្រកួតម្ដងៗ ខ្សែប្រយុទ្ធ Lukaku ពាក់ស្បែកជើងម៉ាកខុសៗគ្នា នារដូវកាល ២០១៧/១៨ នេះ។ ជាពិសេស នា ៣ ប្រកួតអន្តរជាតិចុងក្រោយ ខ្សែប្រយុទ្ធបែលហ្សិកបានប្រើប្រាស់ស្បែកជើងរហូតដល់ទៅ ៣ ម៉ាក។
មូលហេតុដែលនាំឲ្យកីឡាករ Lukaku មានស្ថានភាពបែបនេះ គឺដោយសារតែកីឡាករមិនមានកុងត្រាស្បែកជើងជាមួយក្រុមហ៊ុនណាមួយឡើយ នារដូវកាល ២០១៧/១៨ នេះ។ ដូច្នេះមានន័យថា មុនប្រកួតម្ដងៗនាមួយរដូវកាលកន្លងទៅនេះ ភាគច្រើនកីឡាករតែងប្រើប្រាស់ថវិកាផ្ទាល់ខ្លួនដើម្បីទិញស្បែកជើងប្រកួត។
តាមពិតទៅ កីឡាករធ្លាប់ចុះកុងត្រាស្បែកជើងជាមួយក្រុមហ៊ុន Nike កាលនៅលេងឲ្យ Everton។ ទោះជាយ៉ាងណា ខ្សែប្រយុទ្ធបានសម្រេចមិនបន្តកិច្ចព្រមព្រៀងនេះទៀត នារដូវកាល ២០១៧/១៨។ ហេតុនេះហើយ ទើប Lukaku តែងត្រូវបានប្រទះឃើញថាបានដូរម៉ាកស្បែកជើងក្នុងការពាក់ប្រកួតស្ទើរជាប្រចាំ។
ក្រឡេកមើល ៣ ប្រកួតអន្តរជាតិចុងក្រោយ កីឡាករបានពាក់ម៉ាកស្បែកជើងដល់ទៅបី មានន័យថា មួយប្រកួត ខ្សែប្រយុទ្ធពាក់ស្បែកជើងមួយម៉ាក។ កាលប៉ះជាមួយអេហ្ស៊ីប កីឡាករបានពាក់ស្បែកជើងម៉ាក Nike ហើយបានដូរទៅពាក់ម៉ាក Addidas នៅប្រកួតជាមួយព័រទុយហ្គាល់ ហើយផ្លាស់មកពាក់ស្បែកជើងម៉ាក Puma ក្នុងជំនួបមិត្តភាពកម្ដៅសាច់ដុំជាមួយកូស្តារីកា។
ការណ៍ដែល Lukaku មិនបានចុះកុងត្រាស្បែកជើងជាមួយក្រុមហ៊ុនណាមួយ បានទាក់ទាញចំណាប់អារម្មណ៍យ៉ាងខ្លាំងដល់សារព័ត៌មានមួយចំនួន។ នៅក្រោយប្រកួតកូស្តារីកា កាលពីពេលថ្មីៗនេះ ខ្សែប្រយុទ្ធបែលហ្សិកត្រូវបានសួរឲ្យបកស្រាយជុំវិញស្ថានភាពកុងត្រាស្បែកជើង។ Lukaku បាននិយាយយ៉ាងខ្លី៖ "គឺកីឡាករជាអ្នកសម្រេចជ្រើសយកស្បែកជើង មិនមែនស្បែកជើងនោះទេ ដែលសម្រេចជ្រើសកីឡាករ"។
សូមបញ្ជាក់ផងដែរ Lukaku ស៊ុតចូលសរុបបាន ២៧ គ្រាប់ឲ្យក្លឹបបិសាចក្រហម ក្នុងរដូវកាល ២០១៧/១៨៕
