• 2018-06-08 01:15:36
  • វិភាគ

តោ​កំណាច​អង់គ្លេស​សង្ឃឹម​៤%​ក្លាយ​ជា​ជើង​ឯក​ World Cup

  • 2018-06-08 01:15:36
  • ចំនួនមតិ

ចន្លោះមិនឃើញ

ការ​សិក្សា​មួយ​បង្ហាញ​ថា​ក្រុម​បាល់ទាត់​ជម្រើស​ជាតិ​អង់គ្លេស​មាន​សង្ឃឹម​ឈ្នះ​ជើង​ឯក​បាល់ទាត់​ពិភពលោក​ ត្រឹម​៤​%​ប៉ុណ្ណោះ។​

គ្រូបង្វឹកក្រុមជម្រើសជាតិអង់គ្លេស​

តួ​លេខ​ដែល​សិក្សា​ដោយ​ក្រុមហ៊ុន​ទិន្នន័យ​ឈ្មោះ​​ Gracenote បាន​បង្ហាញ​ថា​អង់គ្លេស​មាន​ភាគរយ​ស្មើ​ បែលហ្សិក​ និង​ព័រទុយហ្គាល់​ក្នុង​ការ​ឈ្នះ​ World Cup នៅ​រុស្សី​លើក​នេះ​។ Gracenote ដដែល​អះអាង​ថា​ ប្រេស៊ីល​ជា​បេក្ខភាព​ក្លាយ​ជា​ជើង​ឯក​មាន​ភាគ​រយ​ឈ្នះ​២១% លើ​អេស្ប៉ាញ,​ អាល្លឺម៉ង់​ និង​អាហ្សង់ទីន​ ដែល​ស្ថិត​នៅ​លេខ​រៀង​បន្ត​បន្ទាប់។​

អង់គ្លេស​នឹង​ប៉ះ​ ទុយនីស៊ី​, ប៉ាណាម៉ា​ និង​បែលហ្សិក​នៅ​ពូល​ G ដែល​មាន​ភាគរយ​ឡើង​៧១​%។​ នៅ​វគ្គ​១៦​ក្រុម​អង់គ្លេស​អាច​ប៉ះ​ ប៉ូឡូញ, សេណេហ្គាល់​, កូឡុំប៊ី​ ឬ​ជប៉ុន​មក​ពី​ពូល​ H ហើយ​មាន​ភាគរយ​៤១%​ឡើង​ទៅ​វគ្គ​បន្ត។

យ៉ាង​ណា​នៅ​វគ្គ​៨​ក្រុម​ ម្ចាស់​ជើង​ឯក​ពិភពលោក​១​សម័យ​កាល​អាច​ប្រឈម​មុខ​នឹង​ អាល្លឺម៉ង់​ ឬ​ប្រេស៊ីល ដែល​មាន​ត្រឹម​១៨%​ប៉ុណ្ណោះ​ដើម្បី​យក​ឈ្នះ។ បើ​ឆ្លង​ផុត​វគ្គ​នេះ​ នៅ​វគ្គ​ពាក់​កណ្ដាល​ផ្ដាច់ព្រ័ត្រ​ Gracenote ព្យាករណ៍​ថា​អង់គ្លេស​មាន​៩%​ដើម្បី​ឡើង​ផ្ដាច់ព្រ័ត្រ​៕

ប្រភព៖ BBC ប្រែសម្រួល៖ វីរ័ត្ន

មតិយោបល់