- 2018-05-21 04:17:25
- បាល់ទាត់
គ្រូស្វាយរៀង សរសើរ Booysen Shane ទោះចាញ់បឹងកេត
- 2018-05-21 04:17:25
- ចំនួនមតិ 0 | ចំនួនចែករំលែក 0
គ្រូស្វាយរៀង សរសើរ Booysen Shane ទោះចាញ់បឹងកេត
ចន្លោះមិនឃើញ
លោក Conor Nestor គ្រូបង្វឹករបស់ព្រះខ័នរាជស្វាយរៀងមានការសរសើរទម្រង់លេងខ្សែប្រយុទ្ធ Booysen Shane បើទោះក្រុមចាញ់បឹងកេត ៣-១ ក្នុងការប្រកួតសប្ដាហ៍ទី៦ កាលពីយប់មិញនៅស្តាតចាស់។
គ្រូបង្វឹករូបនេះបានឲ្យដឹងថា Booysen អាចរកបានមួយគ្រាប់មុន ជាមួយការសម្រេចទីយ៉ាងស្អាត។ មិនតែប៉ុណ្ណោះគេបានប្រឹងប្រែងយ៉ាងខ្លាំង ក្នុងការប្រកួតនេះ។ បើទោះមានការធ្វើឲ្យបាត់បង់ឱកាសខ្លះៗក្ដី លោកមើលឃើញថា ខ្សែប្រយុទ្ធរូបនេះនៅតែធ្វើបានល្អ នឹងមានភាពរហ័សរហួនក្នុងការជួយក្រុម។
លោកបន្ថែមថា Booysen Shane មានសមត្ថភាពអាចប្រកួតប្រជែងជាមួយកីឡាករដទៃ ក្នុងលីគកំពូលកម្ពុជា។ លោកពិតជាសប្បាយចិត្ត នឹងតម្រង់លេងយ៉ាងល្អរបស់គេជាមួយក្លឹបព្រះខ័នរាជ។ ដោយឡែកជាមួយការធ្វើឲ្យខកខានឱកាសខ្លះៗរបស់គេនេះ អាចមកពីគ្មានសំណាងច្រើនជាង។
មួយគ្រាប់របស់ព្រះខ័នរាជស្វាយរៀងយប់មិញគឺ Booysen Shane ជាអ្នករកបាន នឹងជួយក្រុមនាំមុខមុនតាំងពីរនាទីទី១៣ ប៉ុន្តែរូបគេត្រូវបានប្ដូរចេញនៅជាងពាក់កណ្ដាលវគ្គទី២ ដោយដាក់ ណុប តុលា ជាអ្នកជំនួស៕