- 2018-05-21 02:40:49
- បាល់ទាត់
ក្រុម T4 FC ឈ្នះពានមិត្តភាពប្រចាំតំបន់ឦសាន
- 2018-05-21 02:40:49
- ចំនួនមតិ 0 | ចំនួនចែករំលែក 0
ក្រុម T4 FC ឈ្នះពានមិត្តភាពប្រចាំតំបន់ឦសាន
ចន្លោះមិនឃើញ
ការប្រកួតពានរង្វាន់មិត្តភាពក្រុមដែលប្រជុំដោយក្រុមខ្លាំងប្រចាំតំបន់ភូមិភាគឦសានបានរកឃើញជើងឯកហើយកាលពីម្សិលមិញគឺក្រុម T4 FC ដែលជាអតីតក្រុមអាស៊ានប្រចាំខេត្តរតនគីរី។
ការប្រកួតវគ្គផ្តាច់ព្រ័ត្រ អតីតក្រុមអាស៊ានបានយកឈ្នះលើក្រុម អេកូស្ព័តក្នុងលទ្ធផល៤-១ លើកពានជាលើកដំបូង។ ក្នុងវគ្គទី១ ក្រុមម្ចាស់ផ្ទះបាននាំមុខរហូតដល់៣គ្រាប់ និងបន្តនាំមុខគ្រាប់ទី៤ ក្នុងវគ្គទី២ មុនពេលក្រុមភ្ញៀវរកបាន១គ្រាប់វិញនៅនាទីចុងក្រោយ។ ចំណែកចំណាត់ថ្នាក់លេខ៣ បានលើក្រុមបាល់ទាត់សសយករបស់ខេត្តមណ្ឌលគីរី បន្ទាប់ពីយកឈ្នះក្រុម Freedom មកពីខេត្តសៀមរាបក្នុងលទ្ធផល៤-២។
តំណាងក្រុម T4 FC បានឲ្យដឹងថា វាពិតជាសំខាន់ណាស់ដែលរៀបចំឲ្យមានការប្រកួតពានមិត្តភាពនេះឡើង។ ដូច្នេះនឹងមានរៀបចំពានរង្វាន់បន្តទៀតនាពេលខាងមុខ ដោយនឹងអញ្ជើញក្រុមខ្លាំងៗមកពីក្រចេះ និងត្បូងឃ្មុំមកចូលរួម។ ការអញ្ជើញឲ្យចូលរួមពីខេត្តផ្សេងៗឲ្យបានច្រើនកាន់តែធ្វើឲ្យទំនាក់ទំនង និងសាមគ្គីភាពល្អប្រសើរ។ ជាពិសេសដើម្បីពង្រឹងគុណភាពបាល់ក្នុងតំបន់ឦសាន។
