- 2018-05-20 13:26:40
- បាល់ទាត់
បឹងកេត វាយបកឈ្នះស្វាយរៀង ចុងម៉ោង រក្សាកំណត់ត្រាឈ្នះដូច ណាហ្គាវើល
- 2018-05-20 13:26:40
- ចំនួនមតិ 0 | ចំនួនចែករំលែក 0
បឹងកេត វាយបកឈ្នះស្វាយរៀង ចុងម៉ោង រក្សាកំណត់ត្រាឈ្នះដូច ណាហ្គាវើល
ចន្លោះមិនឃើញ
ណាហ្គាវើល និងបឹងកេតនៅតែរក្សាភាពខ្លាំងរបស់ខ្លួនដោយមិនទាន់ស្គាល់ពាក្យបរាជ័យឡើយរហូតដល់សប្តាហ៍ទីសប្តាហ៍ទី៦នៃលីគកំពូលកម្ពុជា២០១៨ បន្ទាប់ពីទទួលបានជ័យជម្នះលើគូប្រកួតរៀងៗខ្លួន។
បឹងកេត ៣-១ ព្រះខ័នរាជស្វាយរៀង
ក្រុមការពារតំណែងជើងឯក បឹងកេត បានបង្កការភ្ញាក់ផ្អើលចុងម៉ោង បន្ទាប់ពីត្រូវស្វាយរៀងនាំមុខ ១-០ តាំងពីនាទី១៣ដោយកីឡាករ Booysen Shane។ ការព្យាយាមយ៉ាងខ្លាំងទាំងវគ្គទី១ និងវគ្គទី២រហូតនាទី៨៤ទើប បឹងកេត តាមស្មើ ១-១ តាមរយៈការទាត់ពិន័យ១១ម៉ែត្ររបស់កីឡាករប្រេស៊ីល Mycon។ ៣នាទីក្រោយមក Samuel Ajayi ស៊ុតគ្រាប់បាល់នាំមុខ ២-១ ។ នៅម៉ោងបន្ថែម៩០+ទៅហើយ ខ្សែប្រយុទ្ធ Julius Oiboh រកបាន១គ្រាប់ដែរ។ ចំណែកស្វាយរៀងធ្វើបានល្អនៅវគ្គទី១ ប៉ុន្តែវគ្គទី២ហាក់ដូចមិនសម្រុកខ្លាំងដែលបណ្តាយឲ្យបឹងកេតវាយលុកយ៉ាងខ្លាំង។ ទីបំផុត បឹងកេត នៅតែរក្សាកំណត់ត្រាមិនចាញ់គឺ ឈ្នះ៥ប្រកួត និងស្មើ១ប្រកួតដូច ណាហ្គាវើលដែរ។
ភ្នំពេញក្រោន ៤–០ អគ្គស្នងការដ្ឋាននគរបាលជាតិ
ភ្នំពេញក្រោនធ្វើបានល្អឥតខ្ចោះ បន្ទាប់ពីយកឈ្នះក្រុមអគ្គស្នងការដ្ខាននគរបាល់ទាត់ ៤-០ ដោយមិនឲ្យដៃគូស៊ុតចូលទីរបស់ខ្លួនសោះ។ ៤គ្រាប់របស់ភ្នំពេញក្រោនធ្វើបានសម្រេចដោយ អ៊ុន សុវណ្ណ ២គ្រាប់ គឺស៊ុតពិន័យ១១ម៉ែត្រនៅនាទីទី៣៦ និង១គ្រាប់ទៀតនៅនាទីទី៧៨។ កីឡាករវ័យក្មេង ស៊ីន កក្កដា ស៊ុតបាន១គ្រាប់នៅនាទីទី៥៣ និងកីឡាករជប៉ុន Atsushi Shirota នៅនាទីទី៦៧៕
ណាហ្គាវើល ៤-១ សូទីលូអង្គរ
បន្ទាប់ពីឈ្នះ៤ប្រកួត និងស្មើ១ប្រកួតកន្លងមក ណាហ្គាវើលបានបន្តឈ្នះសប្តាហ៍ទី៦ទៀត តាមរយៈការ ទម្លាយសំណាញ់ទីក្រុមសូទីលូអង្គររហូតដល់៤គ្រាប់។ កីឡាករគួរឲ្យចាប់អារម្មណ៍ខ្លាំងគឺ សារី ម៉ាត់ណូរ៉ូទីន រកបាន៣គ្រាប់ម្នាក់ឯងនៅនាទីទី៣, ៣៤ និង៤៤ បើទោះជាកីឡាកររូបនេះទើបតែជាសះស្បើយពីរបួស។ ១គ្រាប់ទៀតរកបានដោយកីឡាករផ្ការីកគ្រប់រដូវ សុះ ស៊ូហាណា នៅនាទីទី៨៥។ យ៉ាងណា ណាហ្គាវើលមិនអាចរក្សាពងមាន់របស់ខ្លួនបានឡើយដោយត្រូវសូទីលូអង្គរបំបែកពងមាន់ដោយកីឡាករ Kento Fujihara នៅនាទីទី៦៦។
វេស្ទើនភ្នំពេញ ០-២ អគ្គិសនីកម្ពុជា
ក្រុមភ្ញៀវអគ្គិសនីកម្ពុជាទទួលបានជ័យជម្នះលើក្រុមវេស្ទើនភ្នំពេញដោយលទ្ធផល ២-០ នៅកីឡដ្ឋានវេស្ទើន។ ២គ្រាប់របស់អគ្គិសនីកម្ពុជារកបានដោយកីឡាករ ផានី អ៊ីរដ្ឋានៅនាទីទី៥០ និងអតីតកីឡាករណាហ្គាវើល ជិត ជុំនៅនាទីទី៨៧។ ចំណែកម្ចាស់វេស្ទើនភ្នំពេញមិនអាចទម្លាយសំណាញ់ទីរបស់អគ្គិសនីកម្ពុជាបានឡើយ។
