- 2018-05-20 07:38:16
- បាល់ទាត់
Klopp ថា Salah ត្រូវប្រើពេល១៥ឆ្នាំទៀត បើចង់យកទៅប្រៀបធៀប Ronaldo
- 2018-05-20 07:38:16
- ចំនួនមតិ 0 | ចំនួនចែករំលែក 0
Klopp ថា Salah ត្រូវប្រើពេល១៥ឆ្នាំទៀត បើចង់យកទៅប្រៀបធៀប Ronaldo
ចន្លោះមិនឃើញ
លោក Jurgen Klopp បានលើកឡើងថា Mohamed Salah មានផ្លូវវែងឆ្ងាយបើសិនជាគេចង់យកតារាឆ្នើមអេហ្ស៊ីបរូបនេះទៅប្រៀបធៀបនឹង Cristiano Ronaldo ពោលគឺត្រូវប្រើពេលយ៉ាងហោចណាស់១៥ឆ្នាំទៀត។ នេះបើតាម Sportkeeda ចុះផ្សាយថ្ងៃនេះ។
ហេតុផលសំខាន់មួយដែលគ្រូបង្វឹក Liverpool ហ៊ានអះអាងបែបនេះដោយលោកយោងលើសមិទ្ធផលរបស់ម្ចាស់ពាន Ballon d'Or ៥សម័យកាលមានជាច្រើន ដែលតារាទើបរះរបស់ហង្សក្រហមមិនទាន់អាចផ្គូរផ្គងបានឡើយ។
តារាឆ្នើមអេហ្ស៊ីបកំពុងជោគជ័យខ្លាំងក្នុងអាជីពបាល់ទាត់នៅអង់គ្លេស ដោយទាត់បញ្ចូលទីបាន ៤៤ គ្រាប់គ្រប់កម្មវិធីនៅរដូវកាលនេះ ក្នុងនោះ ៣២គ្រាប់ធ្វើបាននៅ Premiere League ដែលនាំឲ្យអតីតកីឡាករ Chelsea រូបនេះឈ្នះស្បែកជើងមាស។
ប៉ុន្តែបើក្រឡេកទៅមើលកីឡាករវ័យ៣៣ ឆ្នាំរបស់ Real Madrid បានសាងស្នាដៃធំៗជាច្រើនរួមមាន៖ ជួយអធិរាជស ឈ្នះពាន Champions League ចំនួន៤ Laliga ចំនួន២ និង បានជួយក្លឹបចាស់ Man Utd លើកពាន Premier League ៣លើក។
Klopp បាននិយាយថា "Mo មានរដូវកាលដ៏អស្ចារ្យប៉ុន្តែ Cristiano បានលេង(អស្ចារ្យ) របៀបនេះ១៥រដូវកាលមកហើយ"។ ប្រភពខាងលើបន្ត៕