- 2018-05-18 01:38:09
- បាល់ទះ
ព្រឹកនេះក្រុមបាល់ទះវិសាខា តទល់ជាមួយក្រុមខ្លាំងថៃ ប្រជែងកៅអី ១/២
- 2018-05-18 01:38:09
- ចំនួនមតិ 0 | ចំនួនចែករំលែក 0
ព្រឹកនេះក្រុមបាល់ទះវិសាខា តទល់ជាមួយក្រុមខ្លាំងថៃ ប្រជែងកៅអី ១/២
ចន្លោះមិនឃើញ
ក្រុមបាល់ទះរបស់កម្ពុជា វិសាខា នឹងត្រូវជួបក្រុមខ្លាំងរបស់ថៃ ហាលិប៊ុនឆៃ នៅម៉ោង ១០:១៥ នាទីព្រឹកនេះ ដើម្បីប្រជែងកៅអី ១/២ ឬ៤ក្រុមចុងក្រោយ ក្នុងព្រឹត្តិការណ៍ Volleyball Tournament "Sealect Tuna" the Winner of Thailand។
បើតាមលោក សាន សុក្រិត គ្រូរបស់វិសាខាបាននិយាយកាលពីម្សិលមិញថា ក្រុមរបស់ខ្លួនមានបញ្ហាតិចតួច ដោយមានកីឡាកររបួស ៤ទៅ៥នាក់ ប៉ុន្តែស្ថានភាពរបួសមិនធ្ងន់ធ្ងរ។ កីឡាកររបស់លោកទាំងអស់ក៏អាចជួយក្រុមដែរនៅព្រឹកនេះ។
ជំនួបនេះគឺជាការប្រកួតសំខាន់សម្រាប់ វិសាខា ប្រសិនបើឈ្នះ នឹងអាចបន្តដំណើរឡើងទៅកាន់វគ្គ ៤ក្រុមចុងក្រោយ ពីព្រោះពួកគេបានយកឈ្នះទៅលើក្រុម រចនា V កាលប្រកួតសន្សំពិន្ទុដំបូង ៣-០។ ព្រឹត្តិការណ៍នេះមានក្រុមចូលរួមរហូត ៤០ ក្រុម ហើយបានធ្វើការប្រកួតជម្រុះ មកដល់ពេលនេះនៅសល់ ១២ ក្រុម ត្រូវបានបែងចែកជា ៤ ពូល។
សម្រាប់ ៤ ពូលនេះនឹងយកក្រុមលេខ ១ នៅតាមពូលនីមួយៗ ឡើងទៅកាន់វគ្គ ៤ក្រុមចុងក្រោយ៕