- 2018-05-17 01:38:51
- កីឡាផ្សេងៗ
ឈ្នះមេដាយច្រើនមែន ប៉ុន្តែក៏មានកីឡាករ កីឡាការិនី ITF កម្ពុជា របួស២នាក់ដែរពេលប្រកួត
- 2018-05-17 01:38:51
- ចំនួនមតិ 0 | ចំនួនចែករំលែក 0
ឈ្នះមេដាយច្រើនមែន ប៉ុន្តែក៏មានកីឡាករ កីឡាការិនី ITF កម្ពុជា របួស២នាក់ដែរពេលប្រកួត
ចន្លោះមិនឃើញ
ឈ្នះបានមេដាយច្រើនគ្រឿងមែនកាលពីប៉ុន្មានថ្ងៃនេះ អំឡុងការប្រកួតជើងឯកអាស៊ីតេក្វាន់ដូ ITF នៅប្រទេសម៉ុងហ្គោលី កីឡាករ កីឡាការិនី ITF កម្ពុជា ក៏មានរងរបួសក្នុងពេលប្រកួតពីរនាក់ផងដែរ។
ទី១ កីឡាករ សុភ័ក្រ ច័ន្ទឧត្តម រងរបួសភ្លាត់ឆ្អឹងតួចកែងដៃឆ្វេង នៅពេលប្រកួតវិញ្ញាសាប្រយុទ្ធឯកត្តាជននាវគ្គផ្ដាច់ព្រ័ត្រ ប៉ុន្តែជើងខ្លាំងវ័យ១៣ឆ្នាំខាងលើ អាចបន្តការប្រកួតរហូតបានឈ្នះមេដាយមាសទៀតផង។
ទី២ កីឡាការិនី រស់ ស្រីនិច រងរបួសធ្លាក់ស្មារស្ដាំ លើវិញ្ញាសាប្រយុទ្ធដូចកីឡាករខាងលើដែរ ពោលប៉ុន្តែនៅបន្តប្រកួត និងអាចឆ្លៀតលេងវិញ្ញាសាបន្ទាប់ទៀតបានផងដែរ។ កីឡាការិនី២៣ឆ្នាំរូបនេះប្រកួតលើប្រភេទទម្ងន់ ៧៥គីឡូក្រាម។
រំលឹកដែរថា កីឡាករ សុភ័ក្រ ច័ន្ទឧត្តម ឈ្នះបានមេដាយមាស៣ គ្រឿង ប្រាក់១ និងសំរឹទ្ធ១ ខណៈ រស់ ស្រីនិច ឈ្នះមេដាយប្រាក់២ គ្រឿង នាការប្រកួតជម្រើសរើសជើងឯកអាស៊ីលើកទី៩ នៅឯប្រទេសម៉ុងហ្គោលីកន្លងទៅថ្មីៗនេះ៕