- 2018-05-15 00:47:09
- បាល់ទាត់
កែវ សុខផេង ប្រាប់ពីស្ថានភាពបច្ចុប្បន្ន
- 2018-05-15 00:47:09
- ចំនួនមតិ 0 | ចំនួនចែករំលែក 0
កែវ សុខផេង ប្រាប់ពីស្ថានភាពបច្ចុប្បន្ន
ចន្លោះមិនឃើញ
ខ្សែបម្រើប្រយុទ្ធជម្រើសជាតិកម្ពុជា កែវ សុខផេង បានប្រាប់ពីស្ថានភាពបច្ចុប្បន្នរបស់ខ្លួន បន្ទាប់ពីក្លឹប PKNP FC របស់លីគកំពូលម៉ាឡេស៊ីបានបញ្ចប់កុងត្រាពាក់កណ្តាលរដូវកាល។
អតីតកីឡាករក្លឹបភ្នំពេញក្រោន កែវ សុខផេងបានប្រាប់ថា រហូតដល់ពេលនេះស្ថានភាពរបួសរបស់ខ្លួននៅមិនទាន់ជាសះស្បើយដែលអាចធ្វើឲ្យរូបគេហ្វឹកហាត់បាន១០០ភាគរយឡើយ។ រូបគេកំពុងគិតរឿងព្យាបាលរបួសជាចម្បង។ ចំពោះក្លឹបដែលរូបគេត្រូវលេងបន្តនាពេលខាងមុខនេះនៅមិនទាន់សម្រេចចិត្តឡើយ។
កែវ សុខផេងបាននិយាយថា ៖«ឥឡូវនេះខ្ញុំកំពុងគិតរឿងរបួសជាមុនសិន។ បន្ទាប់មកបានគិតរឿងរកក្លឹបលេងបន្ត»។ ពេលសួរថា បន្ទាប់ពីត្រឡប់មកកម្ពុជាវិញអាចនឹងចូលលេងឲ្យក្លឹបភ្នំពេញក្រោន? អតីតកីឡាករបឹងកេតរូបនេះឆ្លើយថា នៅមិនទាន់ចូលក្លឹបណាមួយឡើយ។
កែវ សុផេង បានចុះកុងត្រារយៈពេល១ឆ្នាំ ផ្លាស់ពីភ្នំពេញក្រោនទៅលេងឲ្យ PKNP FC កាលពីចុងឆ្នាំ២០១៧។ នៅ PKNP FC គេបង្ហាញខ្លួនបាន៤ប្រកួត ទាត់បញ្ចូលទី១គ្រាប់។ រូបគេជាកីឡាករម្នាក់ក្នុងចំណោមកីឡាករកម្ពុជា៣នាក់មាន ប្រាក់ មុន្នីឧត្តម និង ចាន់ វឌ្ឍនាកា ត្រូវបានក្លឹបនៃលីគកំពូលម៉ាឡេស៊ីផ្តាច់កុងត្រាពាក់កណ្តាលរដូវកាល។ ចំណែក ធារី ចន្ថាប៊ីន ត្រូវបានគេបង្វឹករបស់ខ្លួននៃក្លឹប Terangganu FA បញ្ជាក់ថា ជាកីឡាករសំខាន់ដែលរូបគេនឹងស្ថិតនៅទីនោះរហូតចប់រដូវកាល៕
